KLACHTEN VAN BEWONERS.
91
die by myne heeren van den Rade daerjegens geordineert
ende genomineert zullen worden uuyten suppoesten.
Daerinne exempt ende vry zullen wesen mynen heeren
den president ende andere heeren van den Rade ende
Reeckeninge.
Welke twee gedeputeerden, als een van den Hage
ende een van den Hove, by hemluyden op ’t stadhuys
zullen hebben ses gebuyren, die te waeken gestelt sullen
zijn, die by beurten van ure tot ure zullen van stadhuys
ommegaen met de helft van de voorsz. ses waeckers
ende visiteren, off die waeck in de vier quartieren langes
straet wel gehouden wordt dan niet; ende d’ andere
gedeputeerde zal met d’ andere drie op ’t stadhuys blyven
tot die uuytgegaen es wederomme gecoemen zal wesen.
Boven welcke waekers noch gestelt zullen worden alle
nacht te waecken sestien waeckers, die tsavonts te negen
uren op ’t stadhuys zullen commen hoeren in wat quartier
zy vier ende vier zullen gaen waecken ende haelen heur-
luyder loose.
Welcke ommegaende waeckers men gebieden zal stil,
sonder eenich geruft te maeken, langes strate te gaen
ende wel scherpelijck toe te hooren ende syen van ’tgundt
datter gebeuren zal moegen ende houden die waecke van
tsavons te thien uren tot ’s morgens te vijfif uren, opte
boete van drie ponden te verbeuren.
Voort sal een ygelijck gehouden wesen, soowel sup-
poesteri als andere, zelffs in parsoene te waecken ofte
een ander eerlick persoon, die in den Hage gehuyst ende
gehoft es, in zijn plaetse te stellen.
Indien die waeckers iemant langens strate vinden
sonder licht by hem te hebben, dezelve zullen zy moegen
aen aenvaerden ende brengen op ’t stadhuys by de gede
puteerden aldaer omme mettenzelven gedaen te worden
zoo ’t behoort.