359
HET KORTENBOSCH.
Bijlage A.
Opdrachten en verleiën van het „Kortenbosch”
„Aelbrecht etc. doen cond allen luden, dat wij verliet
hebben ende verlien mit desen brieven onsen lieven ende
geminden capellaen heren Pieter van den Zande, proost tot
Coudeyt, dat Cortebossche westwaerts ofleggende van der
Hage met allen sinen toebehoren van ons ende van onsen
nacomelingen te houden tot enen erflien. Ende om menigen
trouwen dienst die heer Pieter voerscreven, ons ende
onsen lieven zoon van Oistervant lange tijt gedaen heeft
ende noch doen mach, so hebben wij geconsenteert ende
consenteren dit voerss. lien van him te comen op Willaem
den gruter sinen outsten soenende dit voernoemde lien
salmen verheerwaerden also dicke als ment verzaect met
twee capoenen.
In oerconde gegeven in den Hage op Sinte Agneten
dach anno 1397 na den lope ons Hoefs van Hollant.’1
Reg. Lib. V. Albrecht fol. 273vs. (n°. 52).
„Jacob etc., doen condt allen luden, dat voir ons ende
onsen mannen hier nae bescreven gecomen is meester
Willem van den Zande ende heeft ons upgedragen ende
quytgesconden dat Cortebosch gelegen westwaerts van der
Hage bider Monnicke hove ende oick drie morgen lants
leggende an die zuytsyde van den Cortenbosch voirss.
(etc.) doe dit gedaen was verlyeden wij rechtevoirt
weder ende verlyen mit desen brieve meester jan Reijniersz.
onsen medecijn die voirss. Cortenbosch mitten drie mergen
lants voirss. te houden van ons ende van onsen nacome
lingen in desen manieren als datse nae meester Jans
doot voirnoemt comen sullen ende erven up Claes Reyniersz.
sinen oom.
In oirconde etc. Datum Elaga quinta Juki anno 1429.
Reg. In Beyeren IX fol. 106 (n°. 62.)
