367
HET KORTENBOSCH.
(get.) J. d. Croix.
Ic Jan van den Cruce, duerwaerder in ordinancyen
van der earner van den Rade in Hollant doe cond ende
certificere eenen ygelycken wient behoert, dat ic upten
XIen dach in Februario anno XIIIIC LXIX na den loep
s Hoefs van Hollant tot versouck van den eerbaren Jan
van Assendelf, raed myns genadigen heeren ende sijn
rentmeester van Noorthollant, gegaen bin in den Hage
in die prochie kercke onder der hoechmisse ende hebbe
aldaer dit jegenwoordige mandement daer dese mijn
certificacye an gehecht is openbaerlyc gecondicht ende
gelesen ende hebbe eenen ygelycken geboden ende be
volen dat inhouden van dien te onderhouden. Ende up
dat nyement eenige ingnorancye pretenderen en moge,
soe hebbe ic gestelt copien vanden selven mandement
an den voerss.' kerekduere vander Hage, an der kerek-
duere van den doester van den Jacoppinen ende oick
an die poerte van den Cortenbosch. In kennisse der
waerheyt soe hebbe ic mijn hanteycken hier onder ge-
screven ende mijnen zegel hier an gehangen, upten
XIIan dach in Februario int jaer voerss.
versocht dat hij desen onsen tegenwoirdigen brief open-
baerlicke kundige ende vuytroupe in den Hage voirn.
aldair men pnse geboden pleecht te kundigen. Ende dit
sal gedueren tot wederzeggen van ons off van den selven
onsen stedehouder ende niet langher. Gegeven onder
onsen zegel hier an gehangen upten VIen dach van
Februario int jair ons heeren duysent vierhondert negen
ende tsestich. Na den loop van onsen Hove.