380
ARCHIEFSPROKKELS.
ende Claes Sterck, alle broeders, vervangende ende hen-
luijden sterck maeckende voor Jaepgen, Maritgen ende
Aechgen heurluijder susteren alle broeders ende susteren
respective van de voors. zalige Adriaen Claess. Sterck,
mitsgaders noch heer Claes Dircxsz., Pieter Pietersz.
lijndraijer ende Jan Adriaensz. timmerman, vrunden ende
maeghen vande selve Adriaen Claesz. vervangende ende
henluyden oick sterck maeckende voor de absente andere
vrunden ende maeghen met Willem Dircxsz. Onderduyn
ende Laurens Cornelisz Croeck talman, keersluyden an
heurluyder zijde ende Aernt Jansz. Verhooch tEijcken-
duijnen met Dirck Aertsz. zijnen zoon als vryenden ende
vuyten naem van Anthonis Heymanss handadighe mits
gaders Frans Jacobsz. Cuyper van der Sa ende Adriaen
Benninck, secretarys van den Haghe heurluyder keers
luyden aen dander zijde. Ende naedat die vrienden an
wederzijden int lange over ende wederover gehoert hadden
’t rapport van den voorss. keersluijden, soo hebben de
voors. pertijen respective an wederzijden haerluyder saecke
clacx alinck ende alle gebleven ende gesubmitteert an de
voors. vijer keersluyden als Willem Dircxsz. met Laurens
Croock an de nedergheslaeghen zijde ende Frans met
Adriaen Benninck an de zijde van den handadige. Ende
nae dien die voorss. vyer keersluyden de saecke oick
ten wederzijden overgeleydt hadden ende op als gelet
hebbende, hebben int mindelicken ende vrundelicken omme
alle die vordere questien, twist ende tweedracht te schuwen,
eendrachtelicken vuytgesproocken ende verclaert, spreecken
vuyt ende verclaeren mitsdesen, dat die voorss. handa
dighe sal die vryenden van den nedergeslagen vrijen van
sheeren boeten ende trecht van den boode ende betaelen
beyde de zoenbryeven mitsgaders darbiters ende zal
daer en boven doen doen in der kercke tot Eeijckenduynen
een eerlicke vuytvaert ende doen de nedergeslaeghen ter
