38i
ARCHIEFSPROKKELS
Th M.
stondt beluyden ende zal noch betaelen zes toortsen het
stuck van 6 stuvers, te weetentwee int clooster tot den
Predicaeren alhyer, twee tot Eyckenduynen in de kerck
ende twee tot Loosduynen int clooster ende een halve
sack tarw in handen van Dirckgen Claesdr. moeder van
de voorss. nedergeslaeghen off twee gulden daer voor
om haer wille daer meede te doen. Zal voorts noch be
taelen die costen van de begravinghe van den nederge
slaeghen ende die costen van de maeltijt die de vryenden
van den nedergeslaeghen in den huyse van Frans Jacobsz.
voorss. verteren zullen. Ende zal die handadige die broe
ders, susteren ende vryenden van den nedergeslaghen
eerbeken ende betamelicken schuwen in allen plaetsen
soe dat behoert. Ende alsoe die broeders ende alle die
vryenden van de nedergeslaeghen de handadighe die
vorder profitable emende om Godtswille vergheven en
quytgeschonden hebben, soe en hebben wij arbyters daer
nyet affgheseijt ende verclaeren mitsdyen hyer meede alle
die vrienden an wederzijden goede versoende vryenden
ende vereenicht in de vreede Goodts; verclaerende voorts
dat zijluyden ten wederzyden ter cause van desen mal-
canderen nyet misseggen noch misdoen en zullen op een
peyne van hondert Carolus gulden te verbeuren te gaene
nae peyns rechte, welcke peyne nyet verbeurt en zal
moeghen worden dan bij seggen van ’t meerdedeel van
ons1 vyer keersluyden voorss. In kennisse der waerheyt
soe hebben wij arbiters ofte keersluyden voorss. deze
soenbryeven dier twee zijn te weeten deen aen den neder-
geslaegen ende dander ander handadighen zyde onder-
geteyckent opten dach ende jaere als boven.
