't
83
KLACHTEN VAN BEWONERS.
man wasdan off eenige edelluyden mede gelogeert waeren
deur den Haghe, seyde daervan nyet te weeten.
Ick hebbe voorts by my ontboden Jannitgen Gerritsdr.,
huysvrouwe van Mandy Jacobsz., die ick verstaen hadde,
dat lange tijt gewoent heeft by Swaentgen in de castelenye,
d’welcke by my geeoemen zijnde, verclaerde, dat se vóór
de troublen by de voorsz. Swaentgen gewoent heeft we
xvi jaeren geduyerende, welcke tijt de Prince van Orangien,
hoger memorien, ende andere heeren verscheyden reysen
op ’t Hoff geweest zijn ende dat de edelluyden ende
ander hoffgesin van dezelve heeren alle gelogeert waeren
op ’t Binnen- ende Buytenhoff, zonder dat se weet, dat
eenige gelogeert waeren deur den Haghe, seggende
voorts, dat als eenige bedden op ’t Hoff ende in de
casteleneye gebreck waeren, dat se alsdan gewoon waeren
te gaen in de cloosters ende aldaer eenige bedden met
haer toebehoeren te leenen, die wedergebracht werden
als die gebesicht waeren.
De voorsz. Mandy Jacobsz., voor my ontboden zijnde,
es tenzelven daghe mede geeoemen ende heeft my
geseyt, hoe dat hy hyer te lande es geeoemen mitten
Grave van Bossu ende dat zijn moeder was lavandière
ende dat hy zulex wel weet, dat alle de edelluyden ende
hoffgesin van den voorsz. Grave gelogeert waeren op ’t
Binnenhoff ende eenige op ’t Buytenhoff, ende naementlijck
in ’t huys, daer nu uuthangt het waepen. van Oraengien,
ende in ’t huys van Jan Aertsz. Lap, zonder dat hy weet,
dat eenige van dezelve edelluyden off andere van ’t
hoffgesin gelogeert werden deur den Haghe ten huyse
van eenige suppoesten off burgers.-
Waernaer zoe hebbe ick ontboden den Secretaris
Hogenhouck ende hem affgevraecht, off de huysen op
Buyten- ende Binnenhoff vry gehouden werden ende om
wat oersaecken, daerop dezelve my ter antwoorde gegeven
