392
DE HAAGSCHE NOTARISSEN.
goeder voordachticheijt aleer hij mitter haesteger doodt
overvallen wordt van zijn temporele goeden te disponeren
bij maeckinghe testamentaer, hebbe daeromme mit goede
deliberatie ende voorsichticheydt gemaect, geordonneert
ende verclaerdt zijn uuyterste wille testamentaer dispositie
in der manieren hiernae volgende
Bevelende in den eersten zijn zyele den almachtigen
Godt, Maria zijn gebenedide moeder ende allen Godts
heylegen, ende zijn doode lichame der kerckelicke begra-
vinghe in die groote Prochiekercke van den Haeghe in
't heylich cruyschoer bij mijn zalige broeder. Revocerende
ende wederroupende eerst ende alvooren alle voorgaende
testamenten, codicillen ende maeckinghe voor datum
van desen gemapct, verclarende dezelve van geender
waerden, willende dat dese zelve navolgende testamentaer
dispositie sal stadtgrijpen ende voortganck hebben, willende
ende begerende dat men nae zijn overliden die groote
clocke sal luyden vijff poesen, daer hij toebespreecket
die heylige kercke van den Haghe drye ponden grooten
Vlaems, des zullen die kerckmeesters gehouden wesen
het graft op te doen ende weder toe te doen sluyten.
Noch bespreect hij testateur mijn heere van Uuytrecht
ofte zijnen vicarius een Carolus gulden ende den dom
proost mede een Carolus gulden ende die fabrycke van
Sinte Maerten tUytrecht twaelff stuvers, den provisoor
ende deecken van Delfflandt, in der tyt wesende, elcxs
acht stuvers ende heurluyder notarius ende fiscael elcxs
vier stuvers eens. Noch begeert hij testateur dat ten
daghe zijns overlidens tot behouff van den armen gedeelt
sal worden drye Carolus gulden an broodt. Bespreeckende
voorts die testateur een eerlicke maeltijt tot behouff van
zijn naeste vrunden ende maeghen ende zijn naeste
buyren ende dat men ten daeghe van zijn overliden zal
nemen twintich priesteren die te grave zullen coemen