395
DE HAAGSCHE NOTARISSEN.
alhier in der Haghe elcxs drye Carolus gulden eens,
noch die Minnebroeders tot Delft mede drye Carolus
gulden eens, bespreect noch Joris Joosten zijn neve,
coster op ’t Hoff, eenen gouden Angelot, noch den pastoor
van de Groote Kercke van Sint Jacobs thyen stuvers,
den proost ende cappellaen van de voorss. kercke elcxs
zes stuvers ende de coster van de voorss. kercke vier
stuvers. Voorts zoe heeft die voorss. testateur expresselicken
verclaert ende gewilt, dat indien hij naemaels voor zijn
biechtvader ofte onder zijn eyghen handtscrift yet meer
maecte om Godtswillen ofte anders, datzelve sal mede
stadthouden ende voortganck hebben in allen schijne
oft alhier namelicken in gescreven stonde al omme
redenen hem daertoe porrende.
Alle welcke legaten, dootschulden ende andere deuch-
delycke blyckelycke schulden voldaen ende betaelt wesende,
soe heeft hij testateur in ’t surplus ende overschot van
alle zijne andere goeden, die daer zuyver overbliven
zullen, geinstitueert ende gemaect tot zijnen gerechten
erffgenamen zijn naeste vrunden ende maegen van zijn
vader ende moeders zijde bij gelijcke porcie. Ordonnerende
ende kiesende tot zijnen testamenteurs omme dese zijne
uuyterste wille te voldoen ende volbringen den eersamen
personen den deecken van den capitule van den Hove
in der tijt wesende ende Mr. Pieter Suys canoniek
capittulaer gesamentlijk ende elcxs van hemluyden bysonder,
mit macht een ofte meer in heurluyder plaets te moegen
substitueren, stellende alle zijnne goeden in heurluyder
handen zoe lange totdat zijn uuyterste wille voldaen ende
volbracht sal zijn. Bespreeckende elcxs voor heurluyder
moyte ende arbeyt boven Godtsloon eenen gouden Angelot
ende oitmoedelyck hemluyden biddende ende requirerende
deur de liefde Godts dvoorss. lust ende exercitie te willen
anvaerden, verclaerende alle tghene des voorscreven es