368
VOORBURGSCHE BU1TENPL/XATSEN.
II.
De overtocht van Voorburg.
libro XI. f'ol. 95V. Cap. N.H.
libro IX. fol. 22, Cap. N.H.
9 November 1434. Philips van Bourgondiën aan Willem
van Naeltwijck.
22 Mei 1429. Jacob enz. doen condt allen Inden want wij
onser gemynder Joncfrou Willem van der Wateringe Jans-
dochter van Egmonde mit onser getruwen Willem van Naelt
wijck horen wittachtigen voicht gegeven hebben tot enen vryen
eygen, snick lant ende goet als sy leggende heeft up Wynen-
dael ende daer toe XXVII morgen lants gelegen in Etscamp,
die hoir ouders in voirtide van onsen voirvaders saliger ge
dachten te leen gehouden hebben ende sii nu lest van ons te
lien hijelt. So is dieselve onse geminde Joncfrou Willem voir-
screven dairom gecomen voir ons ende voir onse leenmanne
hier na gescreven, ende heeft uut horen eijgenen goeden mit
onsen getruwen Willem van Naeltwijck horen wittachtigen
voicht voirss. ons weder opgedragen ende te goede geschonden
dat overtocht gelegen tot Voirburch mit sulcken profits ende
nutschippen als dairtoe staen, also groot ende cleijn als hoir
ouders ende sy' die bezeten ende gehadt hebben, welck over
tocht voirss. mitten nutschippen ende proufiten voirgen; wij
rechtevoirt behoudelic ons ende enen ygcliken sijns rechts weder
verlyet ende verleent hebben, verlyen ende verlenen mit
desen brieven onser gemelden Vrouwen Willem voirss. ende
onsen getruwen Willem van Naeltwijck als horen wittachtigen
voicht te houden van ons ende van onsen nacomelingen Joncfrou
Willem voirscreven ende hoir nacomelingen tot enen onver-
sterfeliken leen mit sulcken voirwaerden wair dat zake dat
Joncfrou Willem voirscreven aflivich worde sonder wit-
tachtige blikende geboirte van horen live gecomen after hoir
te laten, dat dan dat overtocht mitten vervallen ende profiten,
gelijc voirgenoemt is, comen sal up onsen getruwen heren
Willem van Egmonde of gebraeck syns op sinen rechten
leenvolger, die dat dan voirt houden sullen van ons ende van
onsen nacomelingen ten erflien gelijc voirscreven is. Presen-
tibus die heere van Montfoirden ende heere Jan van Vyanen.
In oirconde etc. Datum Hagae op ten XXIIsten dach in Meye
Anno XIV C end XXIX.