z86
DE „DRAPERYE” VAN DEN HAAG.
N°. 2".
Adriaen van Reygersberghe, Willem Hoichstraet ende Cornells
Aerntszoen, oick raemmeesters; Jan Schout ende Jacop Wig-
gerszoen, Hoeftmans; Jan Huyge, Jan Nachtegael, Gerijt Ridder,
Adriaen Claeszoen, Meeus Claeszoen, Willem Claeszoen, Meeus
Pieterszoen, Dirck Engelbrechtszoen, Roel Willem Aerntszoen,
Jacop Floriszoen, Evert de Verwer, Pieter de Verwer, Pieter
Rembrantszoen, Comen Dirck Kerstant Gerijtszoen, Pieter
Matheuszoen, Dirck Brouwer, Bruyn Aelbrechtszoen, Dirck
Hoichstraet, Alijt Jan Aerntszoens weduwe, Aechte Ruysschen,
Willem Ridder, Pieter Aerntszoen ende Jacop Jan die Boden-
zoen, drapeniers in den Hage,
Seggende ende proponerende bij de mont van meester Aernt
van Ommen horen advocaet, hoe dat onlancx geleden belieft
heeft gehadt zekeren personen, te vervolgen an Heeren Philippen
van Wassenaer als Bailiu ende oick an Scout ende Scepenen
van der Hage, om te mogen hebben ende setten zekere menichte
van ramen, omtrent den ramen van der draperie in den Hage,
mits zekere somme van penninghen, die zij den voirseyden
Heeren Philips, Scout ende enigen van de Schepenen dair om
geschenct ende gegeven hadden. Ende hoewel dat die voirsegde
Schout nae inhout der Hantveste van den Hage niet kueren,
ordineren, noch consenteren en mochte enige nyeuwicheeden
den gemeenen oirbair van den Hage angaende, dan eendrachtelic
mitten zeven Scepenen ende vollen Bancke, zoe hadde nochtans
belieft den voirsegden Scout mit drie Schepenen resideerende
in den Hage, mit noch een van den Schepenen woonende tot
Scheveninge, die hij daerom bij hem omboden hadde, te con
senteren ende te gonnen zekere menichte van ramen te mogen
setten omtrent den anderen principalen ramen tot twintigen off
dertigen toe, zonder den voirscreven personen, die die principael
drapeniers van den Hage zijn, noch oick den waerdeyns van
den Hage dair over geroepen off tegen gehoirt te hebben,
gelijc men in anderen goeden steden ende plaetsen, dair die
draperie regneert doende is; ende want dit wesen soude, in
dien dat voirtganck hebben soude, niet alleen in prejudicie van
dat dorp van den Hage, mar oick van die gemeen draperie daer
dat meestendeel van dat voirsegde dorp van den Hage bij
staende is. Wair om zij dit den voirscreven Hove te kennen
gegeven hadden, van den welken zij vercregen hadden zekeren
brieve mit opposicie in behoirlicker vorme dairafl' den dach
up huyden dienende waer, ende concluderen dair op die voir-
