288
DE „DRAPERYE” VAN DEN HAAG.
N°. 2».
Ende deden up sulcken eysch ende ansprake als die deken.
hooftmans, raemmeesters ende die andere gemeen drapenieres
van den Hage, ende die Procureur Generael van Hollant met
hem gevoecht. up hunlieden gedaen hebben,
Antwoirden ende seggen bij den mont van meester Adriaen
Lottijnxzoen horen advocaet
Eerst hoe dat merckelick is te bedeneken dat die draperie
van den Hage bij Goidts hulpe alle dage vermeerdert ende
multiplyeet zoe langer soe meer, zoe dat groet gebreck ge
weest is van meer ramen, want die geene die van outs die
eygedommen hebben van den seiven ramen, die hebben eerst
hair gerijtï ende gadinge om hoir lakenen te bereyden tot alien
marcten, ende die andere drapenieres die geen eygen ramen
en hebben, die moeten dan tegen den anderen drapenieres, die
thans selfs ramen hebben, die costelick huyren tot haren wille,
ende gebuert dicwijls, dat bij den wairdeyns dair up gescreven
wort „veruw bet” ende oick. bij gebreck dattet somtijts geen
weder noch zonnenschijn en is, die selve lakenen niet gewar-
deert en worden, ende mitsdien soe hebben die drapeniers
die eygen ramen hebben altijt hoir lakenen tot horen passe
in die voirsegden marcten ende mogen die wael geven veel
min dan die voirsegden andere drapeniers die geen ramen en
hebben, hoe wael zij die enen halven rijnsgulden wael hoger
vercopen. Ende dat meer is, zoe heeft men bij gebreck van
den voirsegden ramen tot,veel stonden nae middage moeten
waerderen, twelke in geen steden van draperie gewoonlick en is.
Ende ten geenen dair die voirsegden eyschers in hoir be
dachte voort geseit hebben, als dat zij niet gehoirt en zijn
geweest van den voirsegden Scout ende Scepenen. antwoirden
ende seiden die voirscreven verweerers bij den mont als boven
dat zij ymmer gehoirt zijn geweest, die geandwoirt ende geseyt
hebben, dat in ’t consenteren van den nyeuwen ramen zij
grotelick beschadigt souden worden, want hair ramen, die nu
elck wel XL rijnsgulden wairdich zijn en souden dan niet boven
XX rijnsguldens waerdich wesen, ende die vreemde drapeniers
souden in den Hage comen, dair bij die draperie vermeincgen
ende vervallen soude, ende sij souden hair lakenen dan min
moeten geven dan zij nu doen.
Antwoordende voirt die voirscreven verweerers, dat die
voirscreven eyschers hun selven in die punten confonderen
Benadeeld worden vergel. meuken.
