291
4
5
6
7
tou heeft op die boete
8
9
ii
Item, so wye savonds na der voirs. clocke of tsmorgens voir
die clocke bij nachte wrochte of knofte, die soude verboeren
XV scellingen.
Item, soe en sal nyemant van de conventwevers werck an-
nemen. tenzij dat hij zelve een tou heeft op die boete van
XX schellinge te verboeren.
DE DRAPERYE” VAN DEN HAAG.
Item, waert dat eenich knaep gebreck hadde an zijn meester
van zijn verdiende loon, dat zal hij den printers te kennen
geven ende die printers zullen dan terstond moeten gaen
ende verbieden die meester wever zijn wercken ende neringe,
ter tijt toe, dat hij zijnen knaep voldaen ende vernoecht
heeft van zijn arbeitsloon.
Item, soe en sal geen knecht of knape wercken dan om zijn
zeker dachhuyre up die boete van XX scellingen te verbueren.
10 Item, soe en zal geen meester wever eenich leerknaep
annemen meer dan een binnen drie jaren, ten ware dat hij
storve binnen den tijt voirs.; ende waert dat hij hem ont-
ginge binnen zijn leerjaeren, soe en souden geen meester
te wercken setten op een boete van XLII schellinge.
Item, wairt dat eenich meester zijn leerknape vercofte, dat
wair oick op een boete van XLII schellinge.
12 Item, alle dese voirs. boeten sullen gaen, indien sij verboert
worden, dat een derdedeel tot behoef ons genadigen heere
Grave van Hollant, dat ander derdendeel den scout ende
gerechte ende dat derde derdendeel die voirs. vier gezworen
printers, ende hier zal uytgesondert wesen die voirs. settinge
van den weeftouwen, die gaen sullen, die gelden die daer-
of comen als boven verclaert staet.
N°. 4.
Ende deze vier gezworenen sullen den coster seggen tot
wat ure ende tijt sij die clocke geluyt willen hebben tot
voirderscap haerre neringe, behoudelic dat men die clock
luyden zal alle wercke-dagen op dat men wercken mach.
Item, so wye na de clocke geluyt wesende bij dage wrochte
of knofte, dat wair op die verbuernisse van zess scellingen.
