3o8
2
DE „DRAPERYE” VAN DEN HAAG.
N°. 8.
allen tijden, als te doen ende goet weder es, in den Raem
te comen, van Paessen af tot Bamisse toe te tiendalf ure
off dair voiren, ende van danen niet te sceyden voir twaelf
uren; ende van Bamisse tot Paessen toe te tien uren ende
van danen niet te sceyden voir eendalf uren, omme die
sonne te wachten ende die neringe vander draperye te
vorderen, ende alle goede lakenen te zegelen eer wij uitten
Raem gaen, te weten, die lakenen die drooch zijn mitten
groten segel, ende die lakenen die nat zijn metten coplode;
ende die zoe geteyckent worden mitten coplode zal men
wederbrengen als zij drooch zijn, onbesteken, ende segelen
mitten grooten segele. Ende oock mede soe en sullen wij
binnen den tijt van onsen dienste uyten Rage reysen, tenzij,
dat wij te samen ordineert of geloot hebben, datter altoos
drie van ons thuys blijven sullen den dienst te bewaren;
ende jegens nyemant voirt te seggen, dat wij wairdeyns
tesamen in den Raem of inder paertzen sluyten of ver
spreken, der draperyen of onsen dienst roerende; ende dit
sullen wij doen als kerstenmannen ende niet laten om
lief, om leet, om nijt, om bede, om vrese. om ontsich noch
om gheenrehande saicken bij onsen vijf sinnen ende rechte
wetenheyt; dat ons God zoe helpen moet ende sijn heyligen,
kennelicke noitsaicken uytseyt.
Der geswoirens eet.
Dat zweeren wij, dat wij onsen dienst wel ende trouwelic
bewaren sullen na der ordonnancien ende kueren, die wij
daer off hebben, ende soe wie wij bevinden contrarie onse
kueren ende brieven doende, dat wij die daeraff terstont
becoeren zullen ende die den bailliu, scout ende gerechte
aenbrengen sullen, om dat berechten na den kueren ende
onsen brieven; 'dat en sullen wij laten om lief, om lede,
om nijde, om vrese, om ontsich noch omme geenrehande
saicken wil; zoe moet ons God helpen ende zijne heyligen.
3 Den printers eedt.
Dat zweeren wij, dat wij onsen dienst trouwelic bewaren
sullen ende dat wij twee tsamen altijt als ’t costumelic es
ommegaen sullen mitten tange, van tou tot touwe om te
doirsien of die lakenen te rechte gescoren sijn als die be-
