3i7
6
7
8
9
Item, also die kueren inhouwen in hoiren brieve, dat die
meesters van den volre-ambocht niet langer borgen en moeten
den drapeniers dan vierthien daghe up een boete van twin-
tich scellinge, so is hun consenteert, dat zij wel langer
borgen moeten sonder verbueren ende hoir geit inwinnen
als die kuer inhout, behoudelic dat zij recht zullen spreken
van hoire gebrek altoes binnen den eersten quartier jairs
na dattet werck gewracht is, of ’t sel staen dair na tot
sulcken rechte, als die scout ende scepenen dagelicx doen van
scade ende van schulde.
N°. 12.
Item, so en zal geen meester van den volreambocht annemen
eenich leerknaep dan een tsjaers, up een boete van twintich
scellingen. Ende die leerknaep sal geven Sinte Quirijn veer-
tich scellinge, behoudelic dat zij malkander beproeven sullen
drie dage of zij bij malcander blijven willen.
Item, alzo geen knaep min wercken en moet dan om zijn
gesette loen, op een boete van twintich scellingen; also en
zal oic geen meester knapen huyeren min dan om hair ge
sette loen, up een boete van twintich scellingen; ende wairt
dat die knapen hun verhuerden min dan hoir gesette loon,
dat zouden zij den ambocht beteren bij den gesworen boven
den boeten voirscreven om dat ambocht in eeren te houden.
Ende dese voirscreven punten zijn hun consenteert ende
gekuert, behoudelic hoiren ouden brief volcomelic in zijnre
machten, zonder arch ende liste.
In kennesen der waerheyt zijn dese brieve twee alleens,
dair enen of is onder den gerechte ende den anderen onder
den gemeenen meesters ende knapen van der volrie-ambocht,
bezegelt uythangende mit onsen gemeenen zegel, ende om
die meerre sekerheyt wille ende dese voirschreven punten
ende alle punten in den ouden brieve geroert ende begrepen
te bet te houden, zo hebben wij onsen gemeenen segel van
onsen ambochte an dese twee brieven mede gehangen, mit
ten gemeenen scepenen voirschreven.
Gescreven upten zessendetwintichsten dach in Julio in
tjair ons Heeren dusent en vier hondert zeven ende
viertich.
DE DRAPERYE” VAN DEN HAAG.
