327
E.
i
DE „DRAPERYE” VAN DEN HAAG.
N°. 13D.
te comen bij den Schoudt ende Gherechte, ende hemluyden
vermaenen, dat zij die gemeen meesters van den volryen
ontbieden sullen, ende elcx van hemluyden examineeren
bij hoeren eeden, of zij yet min genoemen hebben dan heur
proper gesette loen.
In kennisse van al desen hebben wij desen brief bezegelt
met onser zeeghel uythangende.
Gescreven up den XXVIlïen dach van Februario int jaer
ons Heeren MCCCC ende vijf ende tseventich.
1478 October 14.
Wij Schout ende Scepenen in den Haghe, doen condt allen
luyden; alsoe die volres onlancx een uytganck gemaect ende
gedaen hebben aldaer groote naersticheyt om gebesicht ende
gedaen is, om hemluyden weder in te gecrighen, dat nyetjegen-
staende hebben die zelve volres veel ende diversche puncten
van der gemeenre draperie, ende oeck van ons begeert, ge-
daen ende geconsenteert te hebben, souden zij incoemen; ende
want wijt welvaeren ende den ghemeenen oerbaer van der
Hage schuldich zijn te soeken ende voort te helpen setten,
soe hebben wij met ghoeden eersaeme wijse mannen die wij
tot onsen raide geroepen ende genoemen hebben soe verde
getracteert ende versproken tusschen den voorscreven volres
ende den ghemeenen drapenieres, dat die selve voorscreven
volres ende drapenieres, ende wij met hem mit malcander
mindelicken ende vriendelicken overcoemen zijn, ende van den
voorscreven uytganck van nu voortaen te vreeden wesen zullen,
mits seeckeren puncten, die wij ende die gemeen drapenieres
van der Haghe die voorscreven volres om alles tbeste willen
geconsenteerd ende beloeft hebben, die welcke hier nae in
tlange gescreven ende wel verclaert staen:
Eerst alsoe die gemeen drapeniers van der Haghe den
voorscreven volres, die onlancx een uytganck gemaect
ende gedaen hebben, gegunt ende gegeven hebben tot
hoeren kosten die zij mits denselven uytganck gedaan
hadden, die somma van twaelfstalff hondert rijnsche guldens