328
DE „DRAPERYE” VAN DEN HAAG.
N°. 13E.
van viertich groot tstuck, soe is mitten voorscreven volres
versproecken ende overcoemen, dat hoe wel den ouden
brief, die tgemeen ambocht van der volrye heeft bij expresse
inhoudt, dat se van elk laecken hebben souden neghen ende
twintich groot, soe sullen zij van nu voortan tevreden
wesen, dat die drapenierer hem geven ende betalen sal
van elck laecken acht ende twintich groot an gelde, ende
nyet minende waer yemant die min name, dat waer op
die boete van eenen noebel, voor vijftich stuvers gerekenet,
ende waert oeck dat die drapeniere zijn voire min gave
dan voorscreven staet, dat waer op die boeten van vier
pont hollants payements, des soe sal die volre gehouden
weesen tot eeuwighen dagen die laeckenen te droegen
ende te scieten 1) als zij tot hier toe gedaen hebben.
2 Voort, soe sullen die geswoeren, die nu zijn of namaels
wesen sullen, moghen coemen drie of vier werven tsjaers
alsoe hem dat believen sal, voor den Schout ende Gerechte
van den Hage ende begheeren, dat men die meester volres
ontbieden, ende bij hoeren eede doen seggen, ende ver-
claren sullen, of zij hoer volle loon van acht ende twintich
groot aen ghelde van elk laecken van den drapeniere ge-
noemen ende ontfangen hebben; ende die alsdan nyet sweeren
en willen, sullen verbeuren een noebel, van vijftich stuivers,
ende daertoe zes weecken hoer ambocht van der volrye,
behoudelick altijd wie zijn volle loon, van acht ende twin
tich groot ontfangen heeft, dat die nyet verbeuren en sal;
desgelijcx sullen die geswoeren voorscreven, die nu zijn
of naemaels wesen sullen, oeck moeghen begheeren an den
Schout ende Gerechte van der Haghe dat men alle die
drapeniers oeck ontbiede ende doe seggen bij hoeren eeden,
of zij hoeren volre gegeven ende betaelt hebben acht ende
twintich groot aen ghelde van elcken laecken sonder min,
ende die dan nyet zweeren en willen, die zullen verbeuren
vier pont hollants als voorscreven staen.
3 Voort, soe sal dat ambacht van der volrye alleenlick staen
onder den Schout ende Gerechte van der Hage, nae in
houdt hoeren ouden brieve, behouden den Heer zijn boeten.
De copiist lasstreten het „scieten” kan op het wasschen der geverfde lakens
doelen.
