335
5
6
7
8
Item noch soe is gekeurt ende geordonneert, dat men in
gheen meesterien laeckens coompkaerden en sal onder t
paerssen off na paersschen, ende dat upte boeten van thien
schellingen, zoe dick als zij bij de gezwoerens bevonden sullen
wordden contrarie doende.
Item voirt hebben die bailliu, schout ende gerechte geor
donneert ende gekuert om noot, oirbair ende prouffijt van
den neringhe van den draperie, dat gheen volder tzij meester
ofte cnape sijn eyghen laickens maicken noch vollen en sal
ende dat up een boete van twintich schellingen soe dick
als sij bij de geswoerens daer off bevonden sal worden.
N°. 14.
Item, dat gheen drapenierder uyt heur meesterie laickenen
haelen noch doen haelen en sal omme up te droghen, dan hair
eyghen laickenen, ende dat up een boeten van thien schel
lingen. Te weten die voider thien schellingen die se uyt-
leverden, ende die drapenierder thien schellingen diese hael-
den off deede haelen.
Item voirt, soe sal die waerdeyns bevoelen worden up
haeren eedt, dat zij daertoe sien upten raem, dat men die
laickens soe trappich nyet en averecht, dat die voider ter
dier cause schaede lijdt daerdoir, dat dicwils een laicken
gescreven wordt om quaet averecht; ende die selve waerdeyns
sullen oick bevoelen wordden, dat se upte paersschen int over-
haelen toesien, dat die wyedsters die knoopen ende snorren
bet uytwyeden dan sij hebben gedaen. off men sal se niet
paerssen ende werpen se in den houck, ter tijt toe dat zij
wel gewyedt sijn. Ende wat laickens nyet wel gewyedt en
sijn commende opte paersse int overhaelen, sal bij de waer
deyns alsulcke laekenen nochtans gepaerts wordden, maer
sal men die een teycken geven die derde reyse upten
oppersten egge omtrent thaickgaern, daerbij men se sal
moghen kennen upten raem, behouden die volders hoeren
ouden brief van wairden.
DE „DRAPERYE” VAN DEN HAAG.