337
DE „DRAPERYE” VAN DEN HAAG.
N°. 15.
luyden ofte eenich van hun, dies eenichssins anghaen mach,
heerlicken geleyt gemaict ende gevesticht hebben, leggen,
maicken, ende vestigen tegenwoerdelick mit desen onsen
brieve eenen ghemeenen volcomen vasten ende gestadigen
bestande ende vrede, terstont datum des brieffs ingaende
ende voortaen tot eeuwighen daigen geduerende, behoudelick
dat die quetsinghen in den voorscreven vechtelijckegeschiet,
bij weghe van rechte of gevoege gebetert zullen wordden,
alst behoirt, welcken bestande ende vrede wij mits desen alle
die van den ambochte voorscreven ende voort alle andere
die des mede eenichssins angaen mach, ende iegelicken van
hun bijsonder aldus beteickenen ende oick gebieden, vast,
gestaede ende onverbroecken te achtervolgen ende te onder
houden op die verbeurnisse van der gheenre lijven ende
goeden die bevonden wordde dairoff ingebreecke geweest
of ter contrarie gedaen te hebben,
Gebieden ende bevelen vorder mits desen zelven onssen
brieve, alle die van den ambachte voorscreven, die nu zijn
off namaels wesen zullen, ende elcxs bijsonder boven die
boeten van den vijftich ponden in hoeren ouden besegelden
brieve begrepen, oick op die voorscreven verbeurnisse van
hoeren lijven ende goeden: dat zij voortan te vreden zijn
ende hun genueghen laeten mit hoere ordonnancie van der
voorscreven volrye van alle puncten nae uytwijsinghe van
hoeren voorscreven ouden brieve, bezegelt mitten gemeenen
scepenen zegel van der Haige, die zij voortijts dairof ver-
creghen hebben, sonder tot eeniger tijt dairenboven anders
eenighe nyeuwicheyt te begeren ofte uytgange te maicken
in eenigerwijs. Ende op dat hun nyemande van onwetentheit
hieroff ontschuldigen en mach, zoe bevelen wij oick mit
ernste onssen Bailliu, Schout, ende Gerechte van der Haige,
dat zij desen onssen brieff terstondt tot allen gewoenlicken
plaitsen binnen hoeren bedrive van onsen wegen oepen-
baerlicken doen kondighen ende leesen, ende sich elcx in
hoere tijt dit inhouden van den zelven brieve van eenen
iegelicken volcomelicken laeten ende doen onderhouden,
ende op dat dair yemande tegens dede, dan dat voort
anbrenghen ons off onsen getruwen Raide van Hollandt, omme
in onsen name mit onser hoocheyt over dien misdadigen
voort gedaen te moghen wordden sulcke justicie, als anderen
tot eenen exempel dair toe dienen ende behoeren sal. Ende
22
