ROERENDE DE CONSPIRACY VAN DEN VOLRES.
338
1460 Maart 12.
N°. 16.
i) Origineel in het Gem. Archief.
N°. 15.
des in gheenre wijs en Jaeten op alsoe lieve als wij hun zijn,
want wij het alzoe gedaen willen hebben.
In oorconde desen brieve ende onssen signet hier op gedruct.
Gegeeven opten thienden dach van Augusto int Jair ons
Heeren duysent vier hondert vier ende vijftigh.
DE „DRAPERYE” VAN DEN. HAAG.
Philips bij der gracien Goids Hertoge van Bourgoingnen enz.
doen cond allen luyden: hoe dat voirtijts een tractaet ende
dadinge gemaict ende gedadingt is. tusschen onsen buyeren
van der Haghe an die een zijde, ende den volres van der
Haghe an dander zijde, mits dat die zelve volres doe ten tijden
een uytgang gedaen hadden sonder redene, als dat zij voirtan
om geenre handen saken wil meer uitgang doen en zouden
up die verbuernisse van hoeren lijve ende goede twelcke zij
ten heyligen mit upgerechten vingeren gesworen hebben te
onderhouden, mar wairt dat zij enich geschil, gebreck of twi-
dracht onderlinge hadden, hairre volrye ende ambocht angainde.
dat zouden zij dan onsen Schout ende Gerechte van der Plage
openen ende te kennen geven, ende die zouden hun dat berechten
ende slechten na gelegenheit der sake, ende nae uitwijsinge
van haeren statuyten ende ordinancien; desen niettegenstaende,
zoe is ter kennesse van onsen getruwen Stedehouder ende
Raide van Hollant gecomen, dat eenige van den volres voir-
screven bij nachte ende bij ontijde gecomen zijn in onser Kercke
van der Hage ende hebben die kiste dair dat zegel van hair
gemeen ambocht in was. fortcelick ende mit krachte upgeslagen
ende gebroken, ende dat zelve zeghel daer uytgenomen, ende
zijn voert dat meeste deel verhardende in hairre quaetheyt bij
maniere van conspiracie upter zelver nacht gestreken uter
Hage ende hebben een uutgang gemaict, zonder enige deuchde-
lijcke of rechtvaerdich redenen te hebben, want hun altijts ge-
presenteert ende geboden is goet recht ende justicie te laten
geschien up hoeren gebreken die zij onderlinge gehadt mogen
hebben, zonder dat hun recht geweygert is, als wij verstaen.
