•34°
N°. 16.
zoon, Pieter Claeszoon, Cornells Joostenzoon, Gijs Janszoon,
Coman Mees, Jacob Jacobszoon, Claes van Lipsen, Andries
Sasseboutszoon, Gonter Andrieszoon, Jan Janszoon, Jan van
Renum, Gijs van Maistrecht, Jan van Es, Pieter Jan Gilleszoons-
zoon, Jan Hermanszoon, Gerijt Knoop, Henrick Gerijtszoon,
Allert Hillebrantszoon, Pieter Ewoutszoon, Jan Pieterszoon,
Jacob Danielszoon, Jacob Wouterszoon, Willem Sijmonszoon,
Claes die Waal, Gregorius Heynricxzoon, Pieter Pieterszoon,
Arent Andrieszoon, Joost Wouterszoon, Pieter Doedenzoon,
Jacob Gerijtszoon, alzoe op den dach van gisteren gedaen ende
gelooft hebben up die verbeurnisse van haeren lijve ende goede.
Ende want wij dan altijt geplogen te hebben meer geneycht
te weesen tot gracie ende genade dan tot strengheidt ende
rigeure van rechte, zonderlinge tot vorderscip ende welvairt
van den gemeen neringe ende ter bede ende oetmoedigen ver
volge van dien van der Hage voirscreven,
Soe hebben onse voirscreven Stedehouder ende Raide, dese
reyse en up deese tijt den voirscreven volres, alsoe zij hier
voeren genoemt staen, in submissie ende gracie genomen
ende ontvangen, ende hair uutsprake gedaen in de manieren
hier nae volgende
Eerst, dat alle die voirscreven volres gelijck zij hier voeren
genoemt staen vandage voer der noen vergaderen zullen up
Sinte Anthonisbrugge, int zuytende van dér Haghe, ende
daer vergadert wesende comen twee ende twee tesamen bloots
hoofts ende bersbeens, ongegort, elck een bloet zwaert off
lange messe in die handt hebbende, ende alsoe comen voir
onsen Stedehouder ende Raide voirscreven, seggende up hair
knyen, dat zij kennen, dat zij mits den voirscreven uytgang,
hair lijff ende goet verbuert hebben ende met den zwairde
gerecht te wesen, ende biddende duer die minne Goids dat men
hem dese reyse gracie ende genade doen wil, ende dat zij dat
nymmermeer meer doen en zullen, up die verbuernisse van
haeren lijve ende goede, dit gedaen wesende, zoo zullen die
zelve volres blootshoofts comen naar noen te twee uyren int
Uuys van der Hage voir den scout ende scepenen aldaer,
hunluyden biddende, dat zij hun om Godswil vergeven willen
van des zij tegens hun ende den buyren van der Haghe misdaen
mogen hebben, zeggende dat zij dat niet meer doen en zullen.
Ende hiermede zullen die voirscr. volres van der voirscr.
misdaet up deese tijt vrij ende quyt wesen ende vergeven hem
DE „DRAPERye” VAN DEN HAAG.
