348
i525 Juli 24-
N°. 22.
I
2
3
Keurboek NO. i fol. XIII. Gem. Archief.
Item, dat men van nu voirtaen die roeden meeden zal eens
deels mit gekeurden gemeen ende eensdeels mit muilen
ofte corten; te weten op elcke laicken XVI pondt gekuerde
gemeen. Ende die menichte van muilen ofte corten zal
staen tot discretie van de verwers, verstandt hebbende
van de neringhe, ende dit op de boete ende ordonnancie
als voren van de paertsen.
Item noch est gekeurt bij bailiu, schout ende gerechte van
den Hage, dat tot wat tijden de bailliu ontbieden sal, soe-
wel de dienaers als de meesters van de verwerie om te
ondersuucken off zijluyden de keur ofte keuren onder
houden hebben, dat zij alsdan tselve gehouden sullen wesen
bij haeren eede te verclaren op die boete van XVII te
verboeren, telcken reyse als sij onwillich zullen wesen
tselve te doen, ende hierin hebben hem de verwers ver-
voecht, hebbende haer dienders verbonden.
Item, dat men van nu voirtaen die paertsen meeden zal
alleenlijcken met gekeurde gemeen ofte gekeurde crappe,
op die boete van XVII te verboeren tot elcke reyse als
die verwers bevonden zullen wordden contrarie van dien
gedaen te hebben bij haer zelfs eede off bij eede van hair
dienaars ofte anders.
DE DRAPERYe” VAN DEN HAAG.
Dit zijn alsulcke ordonnancien ende keuren als daer ge-
maict zijn bij bailliu, schout ende gerechte van den Hage,
bij advyse van den waerdeyns doentertijt wesende, widers
daerbij geroepen hebbende zekere personen verstandt heb
bende van de zelve neringhe; ende dit zonder prejudicie
van die oude keure ende ordonnancie hier voertijts gemaict
op die verwerie; ende dat overmits dat schepenen gebleken
is, dat die oesterlinghen nu ander coloer hebben willen dan
zij hier voertijts begheerden,
Ende ooick mede tot proffijte van die ghemeen drapenier-
ders ende inwoenders van die Hage; ende dit tot weder-
seggen van bailliu, schout ende gerechte.
