UIT DE PROTOCOLLEN DER HAAGSCI-IE NOTARISSEN.
92
mitsgaders de verdere gemene vleijshouders tot weringe van
sulcke inbreucken, d’een den anderen belooft hebben ende
beloven bij desen directelick ofte indirectelick nu nochte
nimmermeer te sullen coopen ofte doen coopen eenich calff
ofte cal ven van eenige vleeshouders van Delff ofte de kinderen
van Jasper Janszoon van ’s-Gravesant ofte Dirck Bouwensz.
’tsij tot Delff off Leyden, ofte op eenige andere plaetsen, daer
sijluyden off yemant van hen hun calven soude mogen coomen
te venten. Ende ingevalle sulcx soude mogen gebeuren, dat
yemant van ons vleeshouders van ’s-Gravenhage ter contrarie
deser, door hemselffs offe door den sijnen soude mogen
coomen te doen, soo sal diegeene, die sulcx doet off van wiens
wegen t’selve gedaen soude mogen werden, op yder calff t’geen
hij van een Delffsche vleijshouder. voorcopers ofte de kinderen
van Jasper Jansz. ofte Dirck Bouwensz. tot Delff, 't sij tot
Leyden ofte Delff, gecocht sullen hebben, verbeuren tot een
amende ofte boete de somme van vijftich guldens, d’een helft'
voor den officier ende d’ander helft voor den armen. Ende sal
oock neymant van ons vermogen (desen onderteijckent heb
bende) aen yemant van ons desen nyet teijckenende ofte ad-
voyerende te vercoopen ofte coopen eenich vleijs nochte mette
selve te snijden offe slaen schapen off calven ofte eenige
rindere beesten op de boete alsvooren, nochte oock te coopen
ofte vercoopen eenige borsges, merchpijpen ofte rintvet, ende
ingevalle yemant van ons quame te speuren, dat yemant con
trarie deser quame te doen, soo sal yder van ons gehóuden
sijn, t’selve deecken ofte hooftmans bekent te maecken offe
yemant van sijn mede vleeshouders op peene, die t’selve soude
mogen hebben gesyen ende nyet aengebracht daermede ver
beuren sal de somme van thien guldens tot profijte van het
gilde van de gemene vleeshouders alhier. Verstaen voorts ge-
samentlijck, dat soo yemant van ons geaccuseert wert contrarie
deser gedaen te hebben, selven geaccuseerde gehouden sal sijn,
hem te purgeren met eede t’selve gecocht te hebben dan nyet.
Ende tot naercominge deser, soo hebben wij yder in ’t by-
sonder verbonden ende verbinden bij desen onse respective
persoenen ende goederen, deselve subjecterende in ’t verbant
van allen rechten ende rechteren. Ende tot meerder verseecker-
heijt yder in ’t bysonder tevreden sijnde ons in den inhouden
deser bij den ed. gerechte van ’s-Gravenhage te laten con-
demneren, tot dien eijnde constituerende van der Eist ende
Mathijs van Berckele, procureurs van den voorss. gerechte