DEN HAAG IN 1567.
412
syen nae dieselve brieven, ende die wederomme in Den Hage
te brengen, overmits die Brederoetsche knechten omtrent Meden
bliek uuyt Hollant gescheyden waeren, ende dat hij alsdoen,
daer coemende, bevonden heeft, dat an ’tzelve coffer water
gecomen was, waerdeur ’t meerendeel van deselve brieven nat
geworden waeren, sulexs dat hij’tzelve coffer alsdoen voor hem
weder thuys gebrocht ende ten huyse van de voorseyde Van
der Laen gelevert heeft, ende bevindende, dieselve brieven
deur die natticheyt seer bedorven te zijn, heeft groote moyte
gedaen, omme deselve brieven te doen droegen, ende die
wederomme in ordre te brenghen (soo die in ’t voorseyde coffer
onder malcanderen sonder eenyge ordre lagen), dat men die
soude moegen gebruycken als ’t noot waere, ende heeft alsulcx
dieselve brieven elck apart gevisiteert ende geconfereert met
die copiën auctentijcke van deselve brieven, die daervan te-
vooren gemaect waeren, ende daernae gemaect een re<;u van
alle dieselve brieven, soedat indien eenyge brieven van de
voorseyde Van der Laen’s goeden nyet leesbaer en zijn,
’tzelve is bij ongelucke geschyet deur de voorseyde redenen.
Tuychde voorts de voorseyde Glaude de Glarges, dat warach-
tich es,dat hij in den jaere lxvi (1566) omtrent Kersmisse, naer zijn
beste onthoudt, gemaect heeft inventaris, als secretaris van den
Hove van Hollant voorseyt, van alle die brieven van zaliger Mr
Gerrit van der Laen voorseyt, zoewel die waeren binnen der stede
van Leyden als tot Voorhoudt, ende overmits eenyge invasie
van de knechten van Brederoede voorseyt, heeft Mr Anthonis
Hoflslach voorseyt, als administrateur van de goeden van Mr
Gerrit van der Laen voorseyt, deselve brieven in een Bruyssels
coffer met platte banden geslooten, ende deselve coffer met de
brieven gesonden ten huyse van den voorseyden Mr Gerrit,
in handen van Joncker Heynrick van der Laen, zijn zoon, tot
Voorhoudt, die deselve coffer om zekertheyt wille in zijnboom-
gaert gegraven heeft, ende alsoe deur de oprijsinge van den
watere de voorseyde coffer mette brieven ten halven toe in
t water gestaen hadde, sulexs dat als men voorseyde coffer
(zoe hem, deposant, geseyt es geweest) opgraeffde, droop van
den watere, maer ’t coffer in Den Hage gebrocht zijnde, ge
slooten, heeft hij deposant ’t voorseyde coffer, mit Mr Niclaes
van der Laen, een van de requiranten, helpen open doen,
ende geopent zijnde, hebben bevonden (alzoe ’t coffer bijcans
voll brieven was), datte bovenste brieven waeren gans, heel
ende drooch, ende die beneden onder in ’tzelve coffer waeren,