194
an enigen anderen zaken der draperien angaende, doen souden
tot enen exempel van allen anderen. Ende eerbaere, lieve,
geminde vriende off wij off onse buyrlude geen schulde off
zake en hebben, gelijck wij hopen, dat wij en doen, soe
begeren wij an u vriendelick dat gij den genen, die wy wel
omtrent viertich jair bij die gehengenisse Goids gebruyct ende
gehantiert hebben, ende gij eerbaere, lieve vriende omtrent
twee jair geleden mit uwen brieven oick mede selve an ons
gescreven ende begeert hebt ende ons niet vorder belasten en
wilt dan gij, eerbaere lieve vriende anderen steden omtrent
ons geseten en doet, die welke nochtans hair lakenen mede
maken ende drapenieren in der lencte, brede ende lijsten gelijck
wij doen, want wij hopen ons altijt mit die hulpe Goids te
verbeteren in onser draperien van verwen ende van maecsele
ende niet te verargen. Dat kenne God die u bewair in ge-
sonden, zaligen leven. Gescreven in den Hage upten negenden
dach in Junio anno Ixj.
Scout, schepenen ende gemeen buyeren van der Hage.
Adres: Eerbarn radessen[de]boden der steden van der Duyt-
schen Hensen onsen lieven geminden vrienden.
St. Arch. Lubeck. Adj. ad. Acta Bat. Vol. I.
(Posth. Br. 329).
DE „DRAPERYE” VAN DEN HAAG II.
it. 1461 Juni 9.
De Raad van den Hertog schrijft aan de Hanze:
„Eerbair lieve gemynde vrunde, die van den gerechte ende
mede die van der drapenierynge al hier in den Hage hebben
ons op huyden gethoont eenen brief, die ghij aen den deken
ende drapenierres gescreven hebt, int lange roerende ende
mencie makende, hoe dat die lakenen in den Hage gelijc den
Leydschen lakenen gemaket, drapeniert. geverwet, gefoldet inde
belistet waerden, die nicht nach van zoe goeder wollen en zijn,
als de voirscreven Leydsche laken, zoe dat bedriech bi den
bozen dairinne geschiet, oostwairt in uwen landen van den
zegelen, die van den leydschen lakenen ofgetogen ende weder
om aen den Hageschen lakenen gehechtet worden. Wairom
het schijnen soude nae uwen scrijven, als dat onder dat dexel
bi toedoen van u ende den uwen ende anderen in dessen
lande, dairinne voirsien ende difference sender bedriech ge-
maect wesen soude ende datzelve binnen zekeren tijden voer-
