204 de hir innoveret, vorniget schen lakenen etc. anrorende, so unde belevet sint na lude dersulven recesse damp sprekende, dat men deshalven ene scrift maken de uppe ene tafelen negelen unde desulven tafelen uppe dat radhus edder ene beqweme stede uphangen schal, uppe dat sik een ider man darna richten unde vor schaden bewaren moge. H. Rec-. V 712. (Poslh. Br. 357). DE „DRAPERYE” VAN DEN HAAG II. 22. 1465 Sept.—Oct. (Verg, te Hamburg). 23. Item ute den dat de Leydesche lakene unde deHagesche lakene allike langk unde allike breet syn in der varwe unde draperie, so en is doch daraff nyn under- scheit noch differencie dan allene in den lode unde segele, dat men an de lakene hanget. Wan dan de segele unde lode aft' syn getogen, so en weet men nicht, wert een Leydesch edder Hagens laken is. Nu is een Leydesch laken wall 4 gulden better dan een Hagensch, wente de Leydeschen werden van guder Engelschen wulle gemaket unde de Hageschen van Schottescher unde inlandescher wulle. Alse nu de koplude een terlingk edder twe Hagenscher lakene kopen, s*o kopen se darto enen terlingk Leydescher, alse se dan de dre terlinge to husz hebben, so bedriven se grote fraude unde grote, qwade bedrechlicheit unde trecken aff van den Hageschen lakenen de segele unde nemen dan ok de segele van den Leydeschen laken unde steken de dan wedderumme an de Hagesche laken unde verkopen de dan alle vor Leydesche lakene. Hyr wert alle man bii bedrogen unde sunderlinx de laken utsnyden; wan de kopman ment, he hebbe een gud Leydesch laken gekofl't, so isset een Hagesch laken. Hyr hebbet de gemenen stede up gesloten unde berecesset unde dat to twen malen den drapeners in den Haghen overgescreven, dat se in ere lakene alsulke differencie solden maken also en overschreven is, dat men een Hagesch laken vor een Leydesch laken kennen mochte, up dat nemand bedragen worde etc. Hyrupp en achten de drapeners in den Haghen nicht unde en willen ghene differencie maken. So is van noden dat de stede darup ene pene stellen, dat se nemand kope, edder ere lakene vorbeden bet tor tiid dat se de differencie gemaket hebbet, upp dat nemand unwetendes mit eren lakenen bedragen werde, dat doch vor desser tiid vakene gescheen is, so de heren rades- sendeboden, de to Groningen over eneme jare, do se tegens

Gedigitaliseerde gedrukte materialen Haags Gemeentearchief

Jaarboeken geschiedkundige vereniging Die Haghe | 1910 | | pagina 217