2o8
DE „DRAPERYE” VAN DEN HAAG II.
als wy verduchten dat tot beschaempten ende verderffenisse
onser draperie gedaen wordt. Dairof doe ter tijt geseyt worde,
dat men daerin voirsien sonde ende sulc onderscheit doen
maken an den Hagesschen lakenen, die van Schotscher, Castel-
scher en inlantscher wollen gemaect. sijh, dat men die kennen
sonde mogen voir een Leydsch lakenen die van goeder En-
gelscher wollen gemaict en ghereedt zijn, twelc dat van recht
wel behoert, gemerct dat die Leydsche lakenen ende Hages-
sche lakenen elc van verscheyden wollen ende vachten ge
maect worden, ende dat die van der Hage van jonger ende
later draperie sijn dan wij ende dat oic andere landen ende
steden, hoe wel zij elc eenparige wolle reeden, die een den
anderen mit verscheyden lijsten gemaect in den lakenen van
malcander hem scheiden ende wijken, daerbij dat men elc
syn lakenen kennen mach, ende daerop dat nu corteliken by
den gemeenen steden van der Duytscher Hense bij rijpen
rade met sentencien berecesset is, datten die van der Hage
een defferens ende onderscheit maken souden van hoir lijsten
noch eens so breet te maken, als die plegen te wesen, daerbij
men kennen mochte een Hagessche laken voir een Leyds
laken, twelke dat alsoe niet onderhouden noch gedaen en wordt,
soe dat men sulke fraude ende bedriegenisse mitten Hages
sche lakenen noch soe wel doen mach om die te slijten voir
Leydssche lakenen, als men daer, tevoren doen mochte. Ende,
eerbare, lieve, geminde vriende, alsoe wij altoes aen u, an den
goeden steden ende den gemeenen coopman gescreven ende
begeert hebben, of enige gebreken an onsen lakenen an die
langte, breete ende an den wollen bevonden worden, dat men
die lakenen op onsen coste aen ons senden ende die leveren
wonde, om te besoeken, wie van ons drapenierers die gereedt
ende gemaket hadden, wy souden soe daerin op dien voirsien
ende doen, dats hem andere hoeden ende wachten souden.
alsoedan begeren wij noch an uwe eerbaerheden vriendeliken
biddende mit goeder harten, als u enige gebreken van onsen
lakenen voircomen dat u believen wil, die lakenen op onsen
coste ons te senden; indien die gebreke ende fauten bevonden
worden bij onse drapenieres dairin gedaen te wesen, wy
sullen daerin soe doen, alst behoren sal, ende dien so corri-
gieren, dats hem een anderen hoeden ende wachten sal, mer
of onder den coopman enige gebreke, cloecheit of schalek-
heden gheschieden als sij onse lakenen in haren handen heb
ben, tsij die te recken ofte crympen an die langte ofte breete,
