212
,4
steden lange tiit herwens over mennigen jaeren veele hantei-
ringen geweest, geschiet ende geholden. in den vorgescreven
artikel mede verbonden soele wesen
H. Rec2, V 777.
32. 1466 Aug. 12.
De magistr. van den Haag schrijft aan de verg, te Lubeck:
Wij, scout, scepenen ende gemene buyeren in den Hage in
Hollant doen te weten den eerbaeren rades-sendeboden der
stede van Lubeke ende van Hamburch onsen lieven ende bij
sonderen goeden vrienden, also wij bij tscrijven, dat wij mal-
canderen tot velen diverschen stonden gescreven ende over
gesonnen hebben, voerende zekere differentien te maken in
onsen lakenen, tot noch toe, tot genen eyntliken eynde ende
slote gecomen en sijn, ende wij gairne zagen ende seer vrientlic
begerende sijn een fynael eynde ende conclusie van der voir-
screven zake, up dat wij weten mochten, ons dair na te voegen,
so ist, dat wij van wegen der gemeenre buyeren voirn. gemach-
ticht hebben ende machtigen mit desen onsen brieve Jan Claes-
zoen, onse medegeselle in dem rechte ende Aernt Wolbrants-
zoen ende Adriaen van Reygersberch, onse buyerlude van der
neringe van der draperyen, mit u of mitten genen die des
machtich sullen wesen van wegen der gemeenre steden van der
duytscher Hansse van der voirscreven zake ende differentie te
tracteren, te verspreken, ende oick een entlike L raminge ende
conclusie dair of te samen te sluyten ende te concluderen ende
voirt al te doen ende te laten, dat totter selver zaecken dienen
ende behoeren sal gedaen te wesen. Belovende van ons dorps
wegen voirscreven voir ons ende onse nacomelingen vaste
gestade ende van goeder wairden te houden al tgene, dat bij den
personen bovenverclairt, hierinne gedaen, gesloten ende
getermineert sal worden in allen schijn, als of wij selve in
persone ter plaetsen ende steden, dair des te doen wesen sal,
mede jegenwoirdich waren ende dat selve deden. In oirconde
desen brieve ende onsen gentenen zegel ten zaecken hier an
gehangen upten xijsten dach in augusto int jair ons heeren
m cccc sess ende tsestich.
(Waarop aangeteekend:) Productum circa festum decollacionis
Johannis Baptiste. Anno etc. Ixvij.
St. Arch. Lubeck Acta Flandrica I.
1) Het mij verstrekte afschrift geeft ten onrechte „etlike’’;
DE „DRAPERYE” VAN DEN HAAG II.
