217
van Bourgondiën, opgenornen getuigenverklaringen over ver
zegeling von laken met een stapelzegel en over nederlandsche
lakens verboden door de Hanse:
DE „DRAPERYE” VAN DEN HAAG II.
Van den 25en daghe in Junio in ’s Gravenhage in Hollant.
Pauwels Pieterszoon, geboren in de stede van Schiedam,
drapier wonende in ’s Gravenhage in Hollant, oud 40 jaer oft
daeromtrent, zeght bii ziinen eede gevraecht ende geexamineert
op ’t inhouden van den voirscreven mandemente ende articlen,
dat hii wesende in den Bergemaerct lestleden, na dien dat,
alsoe hii hoorde doe zeggen, dat den Oisterlinghe op hore
huys in hore vergaderinge bii eenen duerwaerder miins ge-
nadichsten here, die hii niet en weet te noemen, bevolen ende
verboden wart, egeen stapelrecht te houden of te plegen tegens
die Hollanders ende Vriesen, noch hoeren goeden, hii zach
nochtans een pack Hollands lakens open liggende opter straeten,
in de welke straete die Oisterlingen meest t’ huys liggen,
bereyt om te zegelen. Ende daerna hoorde hii zeggen eenen
genaemt Daniël Janszoon van Landen, dat hii ’t selve pack
ende meer ander hadde zien zegelen int loot mitten stapel-
zegele van der Oisterssche Hanze. Zeght voorts daerop ge
vraecht, dat hii niet en weet, datter eenige publicatie oft
uuytroupinge gedaen was oppembaerliicken op die tiit te
Bergen voorscreven, want alsoe hii doe hoorde zeggen, die
wethouders van derselver stede en haddens niet willen ge-
hengen, hore onscult nemende ofte vryheit van horer maerct.
Zeght oick, dat hii in de Andwerpsscher marct alnoch zittende
tot tween oft drie packen Hollandsscher lakenen heeft gesien
teykenen mit eener cronen, twelck een stapel-teyken es, oft
die gesegelt mede waren ofte niet, dat en merct hii niet ende
en weeter niet aff. Hii heeft wel hooren zeggen dat in de
herberge van den Moriaen ende in ander diverssche herbergen
binnen Andwerpen vele laken gesegelt hebben geweest, maer
hii en weet niet, wiene die toebehoorden noch oick wie die
zegeler daeroff geweest es. Hii heeft oick nu onlancx in de
voirscreven maerct van Andwerpen staende opter gemeyner
straeten eenen genaemt Herman Ronghe ende Hanss Geerts-
man, beyde coopluyden uuyt Oostland, hooren overluyt zeggen
ende bevelen, dat men die lakenen van stonden aen zegelen
zoude, want die scepen, die se voeren zouden moesten te
zeylen. Zeght oick, dat hii wesende int geselscap van den
Oisterlingen in de voirnomede maercten van Bergen ende van