2l8
Andwerpen hemluyden heeft hooren zeggen, dat indien zii
eenige lakenen zendeden in Oostland ongesegelt, de selve
lakenen zouden moeten aldaer bliiven liggende een geheel
jaer lanck onvercocht, ende de gene, die se alzoe ongesegelt
gezonden hadde, zouden verburen hondert goudin gulden. Zeght
noch voorts, dat hii heeft hooren zeggen Oloph Smet, wonende
te Bergen op ten Zoom, Gillis Smet, ziinen oom, oick wonende
te Bergen ende eenen genoemt Jan van Spaengien, nu ter tiit
wonende in ’s Gravenhaghe, alle drie coopluyden van der
Oisterssche hanze, dat hoe wel dat zii hier te voren ende
binnen eenen jare herwaerts geplogen hadden in Hollant
Hollandssche en Vriessche lakenen te coopen ende die in de
vrye maercten van Bergen ofte Andwerpen te brengen ende
te vercoopen den oosterlingen, coopluyden oick van der Ois
terssche hanze, oft anderen, hemlieden sichtent ende binnen
diere tiit verboden es geweest bii den Oisterlingen, datte niet
meer te mogen doen, ende indien dat zii zouden willen
bliven dat doende, te wetene de voorscreven lakenen in Hollant
te haelene alsoe voorscreven is, zii moesten renuncieren ende
affgaen de Hanze ende hore coopmanscepen meer te doene in
Oostland. Welke drie coopluyden bovengenant willende in
Oostland bliven, vaerende aldaer hore coopmanscepe doende,
hebben gelaeten ende afgegaen meer de lakene te coopen ende
te haelen in Hollant. Ende niet meer en weet hiire aff.
DE DRAPERYE” VAN DEN HAAG II.
Van den 2Óen dage in den Hage.
Daniel van Landen Scepene in den Hage. drapier ende
lakenvarwere oud 51 jaer off daeromtrent, zeght bii ziinen eede
gevraecht op t’ inhouden van den voirnomeden, mandemente
ende articlen, dat hii in alle beyde de maercten van Bergen
up ten Zoom ende van Andwerpen lestleden geweest es, om
ziin coopmanscepe van lakenen ende van anderen dingen
dienende ter varwerien, als [w]eede, aluyn, brezilhout ende
ander, te hantiren ende te doene. Ende wesende in de leste
Berge maerct voorscreven hii zach ende sprack aldaer meester
Fransois Coebel, advocatvan Hollant, ende Henriick Floriszoen,
borchmeester van Leyden, die hem onder ander dingen zeyden,
dat zii aldaer gecommen waren omme te doen publiceeren
ende uuytroupen zeker brieven van provisien aengaende den
stapele bii hen vercregen van miinen genadichsten heere; ende
zach voort, na dat zii twee oft drie dagen aldaer gelegen
hadden vervolgende de selve publicatie gedaen te hebbene,
