219
DE „DRAPERYE” VAN DEN HAAG II.
dat se metten drossate, schoutt, borchmester ende ander van
der wet van Berghen ginghen met eenen duerwaerder, die hii
deposant niet en kende in der oosterlinger buys. Ende weder
omme uuyten selven huyse commende vraechde hiidepposant
den voorscreven advocat ende Henriick Floriszon, hoe zii
aldaer gevaren hadden; die hem zeyden, dat al wel, wandtde
Oosterlingen hadden geobediert den bevelen ende verboden
hen gedaen uuyt crachte van den voornomeden brieven; bid
dende de selve advocat ende Henriick Floriszon hem deposant,
overmits dat se reysen wilden t’Andwerpen, omme aldaer
hore voorscreven brieven ende provisie te doen condegen
ende uuytroupen, dat hii toesien wilde, oft' de Oosterlingen
hore lakenen zegelen zouden, alsoe zii te vooren gedaen
hadden. Uuyt welker bede hii deposant daerop merckende
zach dat t’sanderen daechs, den derden ende vierden dagen
daerna de selve Oosterlingen oopentliicke opter straeten in
de huysen en de plaetsen van huerer herbergen deden de
Hollandsschen ende Vriessche lakenen zegelen mit een loot,
dat zii hieten den stapelzegele, heeft oick dergeliicke ende
in der selver manieren al datte gemeenliicken ende oopent-
liicken gesien doen in der voorscreven maerct van Andwerpen.
Zeght oick hii depposant dat hii heeft hooren zeggen en weet
genouch, dat de Oosterlingen niet gedogen en willen, dat eenige
coopluyden van der Oistersschen hanzen die Hollandssche
ofte Vriessche lakenen haelen noch coopen moeten in Holland,
maer moeten die coopen in de vrije maercten van Bergen ofte
van Andwerpen oft ten stapele te Brugge ende dat weet hii
bii, dat een genoemt Willem van Echelen, wonende t’Andwer
pen, die hirvoortiits in Oostland als coopman van der hanzen
gehantiert ende gefrequenteert heeft, oick mede een ander,
genoemt Joost van Thielt, oick ’t Andwerpen wonende ende
meer ander, die hem op dees tiit niet vooren en staen te
noemen, de Hollandssche lakenen nu commen coopen in Hol
land als te Leyden, Delff, Amsterdam, in den Hage ende elders
in Hollant voorscreven ende voeren se zoe voort ende ver-
coopen dien den Oosterlingen in de voornomeden marcten.
Ende zeght dat de voorscreven Joost van Thielt in dese leste
Andwerpscher maerct cochte alhier in den Hage van hem
deposant omtrent 160 lakenen daeran hii boven allen costen
ende vrachten van een scelling grote vlaems up elck laken.
Ende niet meer en weet hiire aff.
Van den 7=" dage van Julio anno 1502 in ’s Gravenhage.
