220
Luneburg.
Lübeck, Hamburg en
1) Mölln de gewone vergaderplaats voor
Jan Volbrantszon alias van Spaengien, gebooren van
Wassenaer, wonende in den Hage, oud44j’aer offdaeromtrent,
zeght bii ziinen eede gevraecht op’t inhouden des voornomeden
mandements ende articlen, dat hii wel weet, dat men in de
steden van Lubecke, Hamborch ende Lunenborch starckelick
onderhoudt den staple, geliick men dede voor ’t verbot van
miins genadichsten heren wegen gedaen, t’ welke der meerster
menichten van den coopluyden der stede van Lubeck wel leet
es. Ende dat weet hii bii dattet opten dach van huyden drie
weken es, dat hii in der selver stede van Lubeck was;aldaer
hii eenigen coopluyden van derselver stede hoorde zeggen,
dat zii in groote menichte geweest hadden bii den heren ende
regierders van diere ende hadden hemlieden verthoent, hoe
dat mits der insettinge ende onderhoudt van den staple hore
coopmanscepe verghiinck ende te nieuten viel van dage te
dage, ende dattet gras voor hoer dueren opter straeten
wassende was, versouckende ende biddende, dat de voor
nomeden heeren zoe vele doen wilden, als dat de selve staple
affgedaen wardde, ofte dat men dien oick dade onderhouden
in den ander hanzesteden mede, als te Brunswiick, Daventer
ende vele meer van dien en onderhielt, dan in de steden van
Lubeck, Hamborch ende Lunenborch. Op t’ welke versouck,
alsoe hem deposant geseyt wart, de voornomeden heeren
andwoorddeden voornomeden coopluyden, dat zii hen des
beraeden zouden. Ende tot dien eynde, verstont hii deposant,
wart een dachvaert van de steden geraemt, omme daeroffmet
malecanderen te sprekene in de steden van Muelene, liggende
vier miilen van Lubeck;1) hoeter voort mede gevaren es, en,
weet hii deposant niet, want hii van daer reysde. Zeght oick,
dat hii wel weet, dat in der stede van Hamborch de regierders
ende de heeren aldaer hebben geordonneert, twee van horen
scepen altiits bereyt te wesen, omme aldaer te laeden tgoet.
dat men stapelgoet heet, ende in anders geen scepen van
herwaerts overe; ende als die twee vollaeden ziin zoe brenght
men daer twee ander, die ’t selve goet, dat, zii laeden, stapel
goet wesende, gelooven moeten te Brugge ten staple te voeren
ende nergens elfders]; ende indien de coopluyden dien tgoet
toebehoort, dat alsoe niet doen en willen, hore goet mach
daer bliiven liggende. Ende zeght dat de coopluyden van har-
waerts overe, die aldaer in den landen plagen halff eygen te
DE „DRAPERYE” VAN DEN HAAG II.