DE PLUNDERING VAN DEN HAAG DOOR DE GELDERSCHEN. I/| 7
ende eenen meister Jaspar Lyevensz welcke t’samen guet
sijn (want seeghelt sonder getall met bouerijen
gekoncquestiert ende geworven hebben) voir 35 m. off 40 m.
golden guldens ende noch meer die ick nyet all numen
en will. Ende bij gevall ghij eenich ontsich wilt maken met
br(anden) soe wilt doch boven all des Presidenten huis nyet
en will verschoenen, want hij in allen saecken onsen harste
vijandt is geweest ende wold ons tjair voirleeden op die dach-
fairdt alldair laeten vernijelen; den Maerschalck sulcx in-
dachtich wil wesen ende met anderen jonckeren ende guede
luijden oick ettelicke onsen vrunden ende maeghen (soe veel
men see gevanghen krijght) geneedelick meedeleeven want
see onsen harste vijanden nyet geweest en sijn als naement-
lick Frederick van Renes, Jan van Culenborch, Gherrit van
Poylgheest, wonechtich op sijn huis nye ghetimmert bij Leyden
aen deese sijde, genuemt toe Ouwerkercke, want deese onse
naeste maghe sijn tsamen geboeren van Culenborch, ende nyt
teghens mijn genadige Heeren noch die Staten gedaen hebben;
ende billicx onsen vrunden behoeren te ghenieten ende nochtans
waell eenen groeten penninck sollen opbrenghen sonder leedt
te breecken. Voirt bid ick voir den heeren van Alckemade,
heeren Jan van Duvenvoirde, heer Gherrit van Lochorst, den
heer van Wijngharden, den heer van Assendelft ende den
griffier in den Haghe mit hoeren husen dat men se brantscatten
wil ende niet barnen, want deese voirgaende alle weeghe onse
Staten groetten vrunden ende voirstenders geweest sijn; die
rest als raetsheeren met die advocaten ende andere schrijvers
mach men nyet lichtelick aen misdoene; die doerwerders mit
die witten roijtghens hebben meestendeel dat hanghen waell
verdient. Lieff broeder ghij moeght noch waell eenen dach
drie off vier dair verblijven, dan langher en sold ick sulcx
den Marschalc met den vrunden nijet raden want see all hoer
macht nu toenen sollen ende wie weet wat folek hem keemen
mocht, see nu gheen ghelt spaeren sollen. Ick hald, als ghij U
dinghen wael anleght dat U die Stadt van Harlem nijet en sal
moeghen ontstaen want dair gheen vreemdt volck in is ende
onbewairt van kruitbusschen etc. desgelijeken Rotterdam,
groet van begrip, sonder weer.
Hiermede wil ick U 1. mit den vrunden goet bevelen, wilt
ommers guede waeck halden ende U Hollanders met diebuyt
wijsselick oeverbrenghen. Ick sal teghens Uwer alre koemst
groet vuer aen doeyn legghen om eenen groeten buytpenninck