BIJLAGE III.
12Ó DE BROEDERSCHAP DER SCHUTTERS VAN ST. JORIS TE ’s GRAVENHAGE.
ORDONNANCIE VAN DEN SCUTTERS VAN DIE EEDELE
VOETBOOGHE VAN SINTE JORYS BINNEN DEN
DORPE VAN DEN HAIGHE [1492].
(Invent. No. 3.)
I. Omme die schutters ende broederscap van Sinte Jorys-gilde in
den Haige in eeren te houden ende die scutters ende broeders in
heften ende vrienscap te blijven, ’twelck nyet wel doenlicken is zonder
regel, pollicie ende geneuchlickecommunicasie mit malcanderen te hebben,
II. Soe ist, dat wij Deken, Coninck, Hoeftmans ende gemeen scutters
nu in der tijt wesende, een ordonnancie gestelt ende gemaict hebben,
hoe ende in wat manieren dat een yegelick van de selve gebrueders
ende scutters van nu voortaen hem hebben ende gedragen zullen, zoe
wel int schieten van den doelen als in andere behoorlicke saicken dair
buyten, hiernair int lange bij articulen verclairt ende gescreven.
III. In den eersten, dat alle jaeren den eersten sonnendach nae Sinte
Jorysdach, zoe gewoonlicken is, in de singende misse in de groote kerck
op Sinte Jorys oultaer, alle de scutters ende gebroeders sullen comen
offeren, op die verbuerte van drie schell. hollants, zoe verre deselve
scutters ende gebrueders binnen den Haige ende nyet sieck en zijn,
welcke drie schell. gaen zullen tot prouffijte van ’t voorsz oultair van
Sinte Jorys.
IV. Item opten selven dach zullen die selve scutters smiddaechs mit
malcanderen eeten, elck op zijn gelach, op die verbuerte van drie schell.
hollants. Ende sal men dair alsdan spreken ende sluyten van allen
saicken angaende den ghilde voorscreven, ende bijsondere van den pel-
leure, die de scutters dat jair draigen sullen, ende oick, of men de pape-
gaye in dat jair schieten zal ofte nyet, mits ordonnerende die deken
ende hoeftmans van den toecomenden jaire. Ende dat gedaen zijnde,
eenen dach in den Doelen te beteyckenen omme bij den ouden hoeft
mans rekeninghe ende bewijs te doen voor denselven scutters, die
aldair alsdan tegenwoordich ende present wesen sullen.
V. Item, indien men opten selven dach pelleur kiest, twelck bij ’tmeer-
deel van den scutters voortganck hebben sal, zullen dieselve scutters
dieselve pelleuren gehouden wesen te laten maicken binnen zulcken tijt
als men alsdan daertoe stellen sal, opte verbuerte van drie schellingen
