EXCERPTEN UIT DE REKENINGEN VAN DE BAILLUWS VAN DIE HAGHE.
35
Steven van Maudric (baljuw).
dat hi ontaft in
van miins here(n)
van Arkel toet Wermen
Loenrescloet om die waride
een scip dreef in de
XVII 1389/90.
(Ontvangsten).
Item Jacob Kerstantszoen van
zee, daer of III
(Uitgaven).
Item uutghegheven om een ijseren veter en(de) om een sclot die
ghevanghen in te legghen op dat uterste poerthuys cost tsamen III 'll'.
Item gheg(even) twije cnechts die Jan Steveninc ghesent hadde van
Monster mit drien winden en(de) enen havic, en(de) si quamen in die
Hag(he) alsoe miin heer toet Zelant waert was en(de) si minen heer
na volghen mosten toet Middelburch, toet horen teergelde XL S.
Item gheg(even) bi behiet van minen heer doe men die papegaey
scoet, daer men bidden quam mit eenre scael, enen Dordr(echtsche)
gulden facit XIII S.
Item uutgheg(even) en(de) verteert op die reyse doe ic ghesent was
met Jacob van Floyoen om te dading(hen) twischen den H(er)toghe
van Ghelre en(de) den Joncheer van Arkele, voer scip hueren en(de)
cost gheg(even VIII daghe lane XV VII S, IIII d.
XVIII 1392/93. Dirc Uut den Broek (baljuw) (Dirc Wouter Dircz.).
(Ontvangsten).
Item Aerntkiin die Waghenaer die was sempel saken beteghen alsoe
dat hi te doen hadde ander vierscaer en(de) dat hem die bailiu een talman
loefde toet sine(n) segghen, daer die talman hem versuimde met woerden
dat die bailiu an hem nam, daer of ghedadinct om IIII fc.
(Uitgaven).
Item daer word een man ghevanghen in die Hag(he) in ’t hof om dat
hi des poertiers cnecht steken woude en(de) hi wordt gheleit op den
stien ende mijns heere(n) raet die bevalen dat me(n) hem siin hant of
soude doen sclaendaer wort ghesent te H(aer)lem om meest(er) Jan
den Stocker en(de) doe hi in die Hag(he) quam, doe vernamen si dat
een arm dolman was en(de) een ghec, dat men beval dat men soude
laten gaen; meest(er) Jan gheg(even) bi beveling(he) van miins heren
Rade voer sine(n cost en(de) waghenhuer, en(de) dat die bode hadde
diere om liep; tsamen XCII g(rooten) facit in goeden ghelde XLVI S.
Item uutghevaren te Riinsburch mit een deel ghesellen met Harman
Willemszoen dat miins heren Raet beval doe men Jans broeder van
Rijswijc ghevanghen soude hebben; op die reyse verteert II gulden
f(acit in goede(n) ghelde XXVI S.
Item uutghevaren des Donredag(es) voer Pinxt(er)
weghen bi beveling(he) van mijn Joncheer
in Vrieslant toet heere(n) Splint(er) van
