4°
EXCERPTEN UIT DE REKENINGEN VAN DE BAILLUWS VAN DIE HAGHE.
ONTFANCK.
1
andere gelijcke groote ende exempte bruecken, mitgaders alle confiscacien
spruytende uut alle criminele saken, in den voirsz. officie verschijnende
alle twelke an mijnen genadigen Heere besondert ende gereserveert
is, van alle welke besonderde ende gereserveerde bruecken dit voirsz.
bailliuscip sculdich is rekenynghe ende bewijs te doen zonder yet dair
of te verzwijgen noch dat crimineel in civiel te verkeeren, mits daer
of hebbende voir zijn loon van des hij metten mannen dair of berechten
mach, den vijfsten pennynck, ende van tgeene dat hij metten mannen
noch scepenen niet berechten en mach, ende bij zijnen anbrengen bij
den Hove van Hollant berecht of bij exposicie gedadinct wordt, dair-
of zal hij hebben den 10 pennynck van des zuver dair of commen
zal, verclaerende alle jaere in zijne rekenynge die qualiteyt ende grote
van allen den bruecken, boeten ende keuren, wie dair aen pairt of deel
hebben, ende dat bij cappittelen, ende in elke prochie bijzonder. Ende
voirts op alle andere voirwaerden ende condicien breeder ende vol-
comentlicken verclaert in den pachtbrieven die de voirsz. bailliu van
den voirn. rentmeester Jan van Assendelf dairof heeft, die hier voeren
van woirde te woirde transcreven staen, van alle tgeent dat die voirsz.
bailliu van den voirsz. zijnen pachte sculdich is ende van de voirn.
criminele besonderde boeten ende peynen boven 25 pont van 40 grote
tpondt ontfangen ende dair tegens wederomme uutgegeven heeft, synt
den eersten dach van Octobris 1475 tot den 26 dach in Maerte anno
1476 naeden loop Hoefs van Hollant dat Lievijn Cats inden zelven
dienst quam bij commissie van den Hove. Welke rekenynge gemaickt
is in ponden, scellingen ende penningen van 40 groten tpondt.
Gedaen inden Hage.
Eerst
De voirn. bailliu Dirck Willems die alle de criminele en civile saeken
mitten verbuerde penn(ing)en dragende tot 25 van 40 grot(en) tpont
ende dair onder inden zelven bailliuscip van den Hage vallende ende
verschijnende in pachte heeft den tijt van zes jaeren lanck geduerende
ingaende p(rim)o Octobris 1475 om de somme 343 pont ten prijse
van 40 grote tpont sj(aar)s te betalen telken jaer deen helft in handen
van den rentm(eeste)r van Noort Hollant, in der tijt wesende tot mijns
genad(igen) heeren behoef, rekenynge doende van allen dootslagen ende
andere besonderde bruecken mette penn(ing)en dragende boven den
voirn. 25 p. aen mijnen genad(igen) heere gereserveert, gelijc hier
voeren inde intitulatie deser rekenynge verclaert staet, ende alsoe de
voirsz. bailliu navolgende die voirwaerden zijnre voirsz. pachte sculd(ich)
is te verclaeren alle die voirsz. bruecken in den zelven dienst ver
schijnende zoe wel crimineel als civil ende dat bij cappittelen in eiker
prochie bijzonder tot bewairnisse van mijns genad(igen) Heeren recht