EXCERPTEN UIT DE REKENINGEN VAN DE BAILLUWS VAN DIE HAGUE. 67
Van Zoete Pieter Gerits omdat zij als bestiester een jonge maechde
besloten heeft gelijc een gevangen in huer acht(er)huus, dair of ontf(aen)
bij dadynge II =g.
Van Jan van den Clingen kinderen van een hoffairt gehouden over
den dootslach van hu(er)en broeder geschiet in den Hage binne(n) den
tijde dezer rekenin(ge) dair of ontfangen bij dadinge VI =g. (Inmargine:)
dese dadinge is geschiet om and(erer) misdaets wille.
Van den Wairdeijns der voirs(creven) drapperie van div(er)sche
cleyne boeten bij der voirs(creven) kuere verbuert bij div(er)schedrapeniers
en(de) die zij gegadert en(de) den voirn(oemden) bailliu binne(n) den
tijde dezer rekenin(ge) angeb(racht) hebben zonder hun te hebben ver-
clairt die namen van d(e) p(er)sonen die dair inne bruekich zijn geweest
om die te hebben gestelt in rekenin(ge) elc upt zijne, gelijc dat behoirt,
de som(m)e van VIII dg voir mijne(n) genad(igen) Hee(re) alleene dair
om hier de voirs(creven) VIII =g. (In margined(ie) c(er)tific(atie) van
den waerdeyns.
Van den printers der voirs(chreven) draperien die van d(e) boeten
bij diversche persone(n) verbuert binne(n) den tijde dezer rek(eninge)
navolgen(de) der kueren dair op gemaict bij scout ende scepenen van
den Hage ter rekenin(ge) gebracht hebben ontfaen wezende tot mijns
genad(igen) Heeren proffijte en(de) zijn deel, zonder te hebben verclairt
die namen van d(e) brueckigen drapeniers, als boven de som(m)e van
vier pont tot XL g(rooten) tpont d(air) om hier IIII =g. (In margine:)
d(ie) c(er)tific(atie) van den printers.
Van Jan Bijsterbach voire van dat hij Muyken angeseit heeft dat hij
dat huysteiken of ged(aen) heeft van een laken dat de vo(er)s(creven)
Jan Bijsterbach gebreyeert hadde, voir welke sake hij tegens den bailliu
gecompos(eert) heeft tot mijns genad(igen) hee(re)n behoef om IIII =g
van XL g(rooten) t(pont d(air)om h(ier) de voirs(creven) III =g.
Alzoe de voirs(creven) bailliu binne(n) den tijde dezen rekenin(ge)
vernome(n) heeft gehadt dat eene(n) vreemden man te Delf mit zijn
wijf lach gevangen ond(er) scout aldair die welke uut Vlaenderen oft
uut Brabant ontvoert mit him gebracht hadde hier in Hollant eene(n)
pack lakene(n) zoe Ingels zoe ander laken van d(e) welke den voir-
n(oemden) gevangen niet lange eer hij geanvaert wart drie witten in
den Hage bij zijne(n) wijve hadde doen brenge(n) ten huyze van
dit ter kennisse gecomen vand(en) voirn(oemden) bailliu zoe heeft hij
deze voirs(creven) drie Ingelsche witten angetast en(de) in zijne(n) handen
genome(n), als tegens mijne(n) genad(igen) hee(ren) verbuert; en(de)
hoewel de zelve bailliu om der voirs(creven) sake wille, vele costen,
reyzen, en(de) moyenissen gehadt heeft om te verneme(n) die warach-
ticheyt der materie en(de) mijns genad(igen) Heeren recht daer inne te
bewaeren niettemin omme dieswillen, dat hij hiernae in uutgeven neemt
die voirs(creven) costen in zulken schijne als hij die heeft uutgelegt