1
neerynge en(de) ambocht in den Haghe doen op geleyde van den Hove
en(de) van den zelven bailliu gedu(r)ende tot desselfs hoofs en(de)
baillius wederseggen up welke geleyde die voirs(creven) volders noch
dagelicx in den Haghe zijn gebleven gaen(de) zonder dat yet meer
mit rechte up hun dair om gevoirdert is niettegenstaen(de) dat die
saike bij den bailliu te hove angebrocht is onder den procur(eur)
gen(er)ael mijns genad(igen) Hee(re)n ende dat die zelve volders dair
of geerne bij den zelven hove en(den) bailliu voirs(creven) compose(ere)n
en(de) ov(ereen)co(m)men zouden om daer of te worden geabsolveert,
ende dair om hier Niet.
Van Dirck Willemsz. scout van den Hage die welke in den maend
van Novembr(is) A° LXXV1II in eene beroerte ende vechtelick wesende
tusschen des hee(r)en van d(e)n Vere op die tijt stedehouders gesellen
ende dieners ende die gesellen van Lievin van Cats bailliu van den
Haghe, liep in die Hage kercke ende slouch die clocke om een beroerte
en(de) vergaderinge of com(m)ocie onder die gemeente te maken, voir
welke zaike ende na informatie dair up gedaen bij mijnen hee(ren) van
Chymay ende andere com(m)issarissen bij mijnen genad(igen) Hee(ren)
in Holland gesonden waren om recht en(de) justitie te doen up zulke
en gelijcke excessen die dagelicx aldair gebuerden, de voirs(creven)
Dirck bij den procur(eur) gen(er)ael mijns genad(igen) heeren voir recht
betogen ende dair nae bij mijns genad(igen) heeren grooten raide mit
meer ande(r)en baillinc slands geleyt wort ende bij hue(ren) sententie
gepronunciert en(de) verclairt alle hue(ren) goeden tegens mijnen ge
nadiger! hee(ren) verbuert te hebben ende alsoe overmits die voirscreven
senten(tiën) alle des voirs(creven) Dircs goeden tot mijns genad(igen)
hee(re)n tafel geleyt ende die rentmeester hier in Holland elc in zijn
quarti(er) bevolen is mijns genad(igen) Hee(re)n meeste proffijt dair in
te doen, int twelke die voirs(creven) bailliu soe die zaike bij den hove
berecht wort na uutwijsen zijnre com(m)issie dair of schuldich is te
hebben den Xen pe(n)ninck, soe vermaent hij, protesteert hier en(de)
stelt die zaike in memorie om dair of zijn recht en(de) verhael te
hebben van den zelven zijnen Xen pe(n)ninck des voirscreven Dirck
Willems zons goeden in tijden en(de) in wijlen, ende dairom h(ier) Niet.
(In margineSij voirdacht te doen vferjandworden tot mijns genad(igen)
Hee(re)n proffijte bij den rentm(eeste)rs diet behoe(re)n sal van alsulke
goeden als elc in sijn q(uar)t(ier) sal hebben bevonden den voirn(oemden)
Dirck Willemsz(oen) tot behoe(f) ende ten tijde als hij dit mesbr(ueck)
p(er)petierde.
Sij oick'al voirs(creven) Dirck Willemsz. v(er)volcht mijns Heeren
recht d(aer)inne bewairt en(de) dair oft verandwoirt in tijde en(de) in
wijlen gestelt in de navolgen(de) rek(eninge))
(Uitgaven).
Den voirn(oemden) bailliu ende hij den voirs(creven) schairpen rechter
70 EXCERPTEN UIT DE REKENINGEN VAN DE BAILLUWS VAN DIE HAGHE.