EXCERPTEN UIT DE REKENINGEN VAN DE BAILLUWS VAN DIE HAGUE.
75
A
rekenijn(ge) verclaringe te maken van allen den boeten ende brueken
soe wel civil als crymineel in den bailliuscippe gevallen sijnde binnen
tijde deser rekenyn(ge) zoe en werd dat hier niet gedaen gem(er)ct dat
hij voor de selve boeten ende brueken bedragende tot XXV g toe
ende daeronder sijnen pacht goet doet ter som(m)e toe van IIII
van XL gro(oten) vlaems tpont, want hij niet daer inne gehouden en
es naer uutwijsen sijnre brieven van com(m)issien, die dat niet en be
grijpt enige rekenijn(ge) van d(e) selven brueken te doene, dan alleen-
lich van de exempten en(de) innormen saken geres(er)veert aen mijnen
genad(igen) Hee(re), waer om(me) hij hier daeroff verantwort ende
maect ontfanck van sijnen pachte int ar(tic)le hier naer volgende.
(Ontvangsten).
Van eenen genoemt Dirck Deijn Willemsz. buerman in den Hage
de welcke hem in den Jae(re) XVC ontgaen heeft te doen zeker om-
behoorlicke ende onduechdelicke zegelinge aen Haechsche lakene(n)
daer om(m)e hij hem buyten der jurisdictie van den Hage ende Haech-
ambocht een wijl tijts absente(ere)nde was, mits welcken alle sijne
goeden tegens mijnen genad(ig)en hee(ren) geconfisquiert en(de) verbuert
war(e)n, soe dat daerom(m)e Claes Deijn des voors(creven) Dierx
broeder in den name ende van wegen des selfs Dircx huysvr(ouwe)
aen den bailliu ende den luyden van de rekenyn(ge) in den Hage
versocht heeft om te coopen alle trecht dat mijn voirs(creven).genadigen
hee(re) hadde in des voirs(creven) Dircx ende sijnre huysvrouwen
gemeene goeden tegens sijnre genad(en) geconfisquiert. Ende nadat de
selve van der rekenyn(ge) gebleken was bij de informacie ende inven
taris) van den selven goeden insculden ende uutsculden ov(er)geleyt;
dat de sculden, die de voirs(creven) Dirck sculdich was wel LX
grot(en) vlaems meer bedroegen dan alle de voirs(creven) gereede goeden
weerdich war(e)n, daervoe(re)n de credite(u)rs de selve goeden hadden
mogen mit rechte inne winnen, daer bij mijn genad(ige) Heer(e) niet
gehadt en soude hebben. Soe es bij den selven van der rekeny(nge)
conside(reere)nde tguent dat voirs(chreven) is ende bij advyse van den
voir(noemden) balliu mitten voirn(oemden) Claes Deijn van wegen ende
tot behoef van des voirs(creven) sijns broeders huysvrouwe ov(er)come
ende geappointiert als dat zij tvoirs(creven) recht van mijnen voir-
n(oemden) genad(ig)en Hee(re) den coninck in coope hebben soude om
hue(re)n vrijen eygen wille daer mede te doene, mits betalende in
handen van den voirn(oemden) baill(iu) ter stont totter K.M. behoef in
gereeden gelde de som(m)e van XXV van XL gro(ten) vlaems
tpont. Dit blijkende bij den voirs(creven) appointemente daer off gemaect
in des(er) came(re) genoteert staen(de) int bouck van den memorien
fos XLVII ende XLVII1. Rustende in der voir(noemde) came(re)
welcke XXV =g midten voirs(creven) ontfangen sijn geweest bij handen
Piet(er)s van Teijlingen audite(u)r ende houdende de rekenyn(ge) van