4 Sept. 1574.
commissarissen.
Mk
BIJLAGE O.
Hof 4592.
Nieuburch
Brederoede j
Alsoe tHoff van Holl(an)t op den 3en Septembris 1574 bij eenigen
uuyt die steede van Leyden gecoemen zijnde die oic welbekent
ende geloeffswairdich waren in t seeker onderrecht es van de
groote benaeutheyt ende gebreck van victualie der voors(eyde) steede
ende naementlick t groot verlangen ende verwachten, dat die borgers
aldaer hebben op de toecompste van t ontset, t welck zij verhoepen,
dat te water geschieden sal, mits t welck zijluyden soe verre ge-
coemen zijn, dat, indien binnen 4 daegen geen apparentie van water,
ten voors(eyden) on(t)set dienende, bij die voors(eyde) van Leyden
gesien en wordt, geschapen ende grootelicken te beduchten es, dat
dieselve stadt deur benautheyt ende gebreck als vooren den viandt
benoodicht sal worden an de handt te gaen binnen vijff ofte ses
daeg(en) daernae. Welcke saecke in deliberatie van raede geleyt zijnde,
es raetsaem gevonden, dat, omme alle t selve voor te coemen, die
voors(eyde) saecke Zijne Exc(ellentie) ende den Staten s lants van
Holl(an)t angedient soude worden bij mrs. Dirck van der Nieuburch,
Artus van Brederode, raeden-ordinarissen van den voors(eyden) Hove
ende den greffier Ernst, als daertoe specialicken bij denselffden Hove
gecommitteert. Dienachtervolgende hebben die voors(eyde) commissa
rissen hemselven sonder vertreck binnen der steede van Rotterdam
getransporteert ende vindende die generaele vergaederinge van de
Staten gescheyden, hebben hun commissie geopent mr. Pouwels Buys,
advocaet van de voors(eyde) Staten, denwelcken t advertissement van
de voors(eyden) Hove voor goet scheen te neemen, dan seyde, dat
lichtelick ontdoen waer sulcke ofte gelijcke advertissementen te doen,
mair die saecke te avanceeren ende t effectueeren meer tijts ende arbeyts
requireerde, ten welcken die voors(eyde) gecommitteerden gerepliceert
hebben, dat, omme des tijts cortheyts wille ende t inconvenient van
over te gaen bij den viandt als voeren voor te coemen, seer goet
ende nootelick waer, dat men die van Leyden mit den alderspoede-
lixten secoureerde, bisonder alsoe eenigen van Leyden seyden, soe
verre zij binnen vijff ofte ses daegen van water niet en vernaemen,
x) Lees: van
(Memorie van de commissarissen van den Hove inzake
hun bemoeiingen met de inundatie ten behoeve van
Leiden.)