440
BIJLAGE O
Nieuburch, al(s)toen rancontrerende den voors(eyden) Buys ende mr.
Pieter Wasted, hen beyden van de voor(seyde) resolutie verdaringe
gedaen heeft, diewelcke in geender manieren raetsaem gevonden hebben
die voors(eyde) lantscheydinghe alsnoch deur te steecken oft t selve
eenichsins te poegen, voor ende aleer den admiraal uuyt Zeelant
gearriveert en alle dingen ten voors(eyden) ontsette gereet souden
zijn, teneynde den viandt niet gewaerschuwet en soude worden ende
mitsdien t voors(eyde) deursteecken belet soude moegen worden ende
ons volck gerepuseert, t welcke sulcx strecken soude t onser groot(en)
achterdeel ende rebusement. Dies nochtans nietjegenstaende hebben
die voors(eyde) gecommitteerdens hen commissie gecommuniceert mit
eenige van de gecommiteerden van Dordrecht, Delft ende Der Goude
in t particulier, die alle gelijck beloeft hebben die handt an der saecke
te houden ende hen uuyterste devoir te doen omme Leyden te secur-
reren. Ende die voors(eyde) gecommitteerden weederom tot Delft
gecoemen zijnde, hebben hun rapport in den Raede gedaen, alwaer
raetsaem gevonden es van als te communiceren met die regierders
van Delft, sulcx oic geeffectueert es. Ende zijn op der steedehuys
derselver stadt gecompareert eenigen, verstandt ende kennisse hebbende
van de caeden, landen ende binnenweegen, streckende tusschen Der
Goude, die Rotte ende Leyden, die in 't lange mondelinge gehoert
ende oic gesien heurluyder schriftelicke memorie, es geresolveert ter
presentie van eenigen van de gequalifieerste suppoesten van den
voors(eyden) Hove, datter vijff ofte ses gecommitteert souden worden,
die met den alderspoedelicxten delibereren ende raetslaen souden
op t deursteecken van de voors(eyde) binnencaeden, dijcken ende
die voors(eyde) lantscheydinge mitsgaeders oic meede op verwijden
ende vergrooten van de gaeten in de Maesdijck alreede gemaeckt
ende t selve terstondt doen effectueren. T orconde van deesen hebben
wij commissarissen voors(eyt) dit opten 4en Septembris 1574 onder-
teykent mit onsen gewoenlicken signature.
Memorie omme apparentel(ick) te moegen becoemen ende
deursteecken zeecke(re) caeden hiernaer gementionneert
ende overzulcxs het water te doen coemen ter naester
ende propysster wegen nae Leyden.
Eerst dat men die Goutcaede, leggende aen de west ofte Boschoopse
zijde tusschen Bosschoop ende Goudtsche sluys, ter plaetse daer die
watermoelen es, eenyge huysen staende zijn, zoude moegen doer-
steecken seecke(re) quantiteyt van roeden, waerdeur het water soude
loepen in Laechboschoop ende zoe voorts in Haserswoude, van waer