BIJLAGE O
441
de verbrande Nootdorpse water-
t water soude moegen lichtel(ick) loepen naer de Weypoort ende
Leyden.
Voorts zoe soude men noch moegen deursteecken die Zegwaertsche
kade, geleghen achter die houve van Bleyswijck bij de achtcante
watermoelen, waerdeur het water uuyte Rotten loepen soude geheel
achter in Segwaert ende Benthuysen ende oversulcxs zijn cours nemen
naer Gelderswoude ende Weypoort, nyet jegenstaende eenyge binne-
caedekens, die daer souden moegen leggen, alzoe die deur den slach
van t waeter, die zeer sterck deur diezelve gaeten soude loepen,
lichtel(ick) wechspoelen souden.
Ten derden, dat men noch van
moelens off, recht eene sloot lancxs responderende upte wooninge
van Ariaen Aertsz. alias vierboeter staende upte lantscheydinge, soude
moegen vaeren ende die lantscheydinge aldaer deursteecken ende alzoe
van daer voorts te vaeren een rechte sloot deur die hoege heul, leg
gende in de Zoetermeerse wech, omme zoe voorts te vaeren in de
Zoetermeersche meer naer die Noortdae ende Soeterwoude ende zoe
voorts aldaer over de laege landen tot onder Leyden te geraecken.
Voorts dat van noede is die gaeten, leggende tusschen Rotterdam
ende die mondt van den IJsel, te vergrooten ofte breeden, omme
meerder deurganck van waeter in t binnenlandt te gecrijgen, allzoe
die gaeten tusschen Rotterdam ende Delffschehaven daertoe nyet
souffisantel(ick) en opereren.
Ende dit al te verspoedighe metten aldereersten ende sonder vertreck
in regardt van de groote benaudtheyt van de stadt van Leyden.
