BIJLAGE.
(28 April 1528.)
Alsoe den Hove van Hollant gebleken is, dat binnen den dorpe
van den Haige sommige leechgangers ende andere lichte gesellen be
ginnen te vergaerderen en alree in sommige huysen gecommen zijn,
om aldair te verteren t gundt dat daerinne wasboven desen van
noode es te waecken by nacht ende goede toesicht totten Haige
voirs(eyt) te hebben, omme te beletten, datter geen brant gesticht
en wordde ende oick te straffen deselve, die in de voirsz(eyde) plaetse
eenige violencie of overdaet souden willen doen, t welck sonder
goede ende merckelycke assistentie nyet moegelick en is den officiers
van den Haege te doen; soe ees t, dat t voirsz(eyde) Hof, willende
hierinne voirsien ende beletten alle inconvenienten, die de voirsz(eyde)
plecke van den Haige sonde moegen opcoemen, by advyse van den
heeren ende meesters van de Rekeninge in Hollant, geauctoriseert
heeft ende auctoriseert mits desen den bailliu van den Haege of zynen
substituuyt van stonden aen te nemen de persoenen hiernaer genoempt
Jacob Buter, Jacob Cruytman, Hans in de Halve Maen, Zymon
Kevelaer, Jan Willemszoen Gelaesmaecker, Lich(t)hart van Wasse-
naer, Anenmer van Wassenaer, Berrickhen, Wouter uuyten Haech,
Jorys van Rijswijck, Jonghe Bert uuyten Haech, Basken uuyten Haech,
Baernt van Monster, Symon Smackuyt alias Snyer, Heynrick van
Hacknart, Jan Koensz Smit, Staes Leertouwer, welcke persoenen voir
hueren loen ende sallarys hebben sullen elcx s daechs drye stuvers,
ingaende upten dach van huyden ende geduyrende tot wederseggen
van den voorsz(eyden) Hove, den voirs(eyden) bailliu of zynen sub
stituuyt; op welcken loen ende sallarys die voirs(eyde) personen en
elcx van hen gehouden sal zyn den voirsz(eyden) baillliu ofte
substituuyt ende oick den procureur generael te assisteren tot allen
tyden, als zy des versocht zullen wordden, omme te beletten, dat
die voirs(eyde) inconvenienten nyet en gebueren, waken als t hen
belast zal wordden ende oick te reysen alomme, daer t hemluuyden
ende elck van hen by den Hove voirsz(eyt), den procureur generaal,
bailliu ende substituuyt belast zal wordden ende al te doen, dat
hemluyden by den voirsz(eyden) officiers ende elcx bysonder bevolen
sal zijnwelverstaende nochtans, dat de voirs(eyde) persoenen of
yemant van hemluyden omme te doen t gundt dat voirs(eyt) is, nyet