HET PALEIS AAN DEN KNEUTERDIJK
55
BIJLAGE.
1500 Juni 11.
t
i
In der manieren ende voirwairden hiernae gescreven Soe heeft
Jan van Barry, Kastellain van Medemblick, in den name van him
selven ende als voicht van den kinderen van wijlen meester Jacob
van Barry zijnen zoon, vercoft Karel Grenier, procureur generael
van Hollant, ende Pieter Hanneman alsulke husinge ende erve
staende alhier in den Hage als die voirsz. wijlen meester Jacob mit-
ter doot geruymt is ende aldair meester Fop Simonsz. jegenwoir-
delijcken zijn residencie hout, welcke voirz. husinge belegen heeft
an de oestzijde mijn joncker van Wassenair, aen de westzijde
meester Aelbrecht van der Loo, an de zuytzijde tVoerhout ende
an de noortzijde tlant, toebehoirende totten selven huyse. Item
hierenboven soe heeft den selven Jan van Barry in den name als
boven den voirsz. procureur ende Pieter noch vercoft zeventhien
hont lants off dairomtrent bij den hoop sonder maet aen twee
stucken, dair dat een stuck off leyt vast achter aen t erve van den
voirn. huyse, ende heeft belegen aen de oestzijde mijn joncker van
Wassenair voirsz., aen de zuytzijde de voirsz. husinge, an de
noortzijde die ban wateringe ende an de westzijde die tuynen
ende Jacob Dirrickxz. Ende dat ander stuck heeft belegen an de
oestzijde dat clooster van den Jacopijnen, an de noortzijde de ban
wateringe, an de zuytzijde oick de ban wateringe ende an de west
zijde Willem Jacobsz. den Ruyter, van welcken zeventhien hont
lants nu ter tijde bruyckers off zijn Willem Jacobsz. den Ruyter
voirn. ende Jacob Dierickxz. voirsz. Ende dese voirsz. huysinge.
erve ende lande heeft die voirn. Jan van Barry vercoft mit vier
gouden guldens erfflijeken rente jairlijckx dairuuyt gaende; Item
noch mit een ende twintich off twee ende twintich stuvers tsiaers
oick erfflicke ende jairlicxe rente toebehoirende thuys te Wasse
nair ende den heere zijn recht sonder meer, mit conditiën waert
saeke dat hiernaemaels bevonden worde dat selve huys, erve ende
lant voirder mit eenige meerder renten off sculden belast waere,
dat sal de selve Jan van Barry corten van den principalle pennin
gen van den coop van den voirn. huyse, erve ende landen hier
boven verclaert, te weten elcken penninek mit achtien penningen.
Item hier en boven soe heeft die voirn. Jan van Barry den voirsz.
Karel ende Pieter noch vercoft alle alsulcken houtwerek ende ander
partijen van materyen ende stoffen hiernae verclaert; Eerst drie
hondert groot wagescot ende twee hondert cleyn wagescots, dair-
van een deels van tselve wagescot verbesicht is aen den veynsters
ende anders dienende totten selven huyse; item vierhondert rijns-