HET PALEIS AAN DEN KNEUTERDIJK
56
x) rondhoutparkoenpaal.
sche delen; item twee schock plainken genoempt pruyssche delen;
item thien duysent voet wit boomen plancken; item twintich luy-
dichsche balken; item noch negen groote balcken; item twee ende
twintich cruys kazijnen onder groot ende cleyn; item vier block
eyken plancken: item alle den calck die beslagen leyt in der plaetse
geextimeert voir tsestich hoet; item alle den backsteen; item alle
de leyn wesende binnen den selven huyse geextimeert up zes
duysent leyen ende indien dair eenige meer leyen ofte ander mate-
ryen van stoffen bevonden worde ende uuytgeleent zijn, die zullen
comen tot proffijte van den voirn. Karel ende Pieter; item vijff ende
twintich berkoenen 1ende voirt dyergelijcken materyen ende stoffen
hoe die genoempt mogen wesen. Ende noch hierenboven noch die
steenen poirte ende alle anderen harden steen die de voirn. wijlen
Mr. Jacob gecoft ende doen maeken hadde eenen genoempt Anthonis
Kelderman, wonende bynnen der stede van Mechelen naevolgende t
besteeck dairvan wesende.
Voir alle welcke voirsz. partyen, te weten van den huysinge, lan
den ende materyen heirboven int lange verclairt den voirn. Jan van
Barry hebben sal ende die voirsz. procureur ende Pieter him vuyst-
reycken ende betailen zullen voir den coop van den voirn. per-
cheelen tsamen voir eens die somme van zeventhienhondert ponden
van XL grooten vlaems t pont, te weten zeshondert ponden gereet
ende dat surplus beloopende elffhondert der voirsz. ponden zullen
denselven Karel ende Pieter betailen bynnen zes jairen, te weten
die eerste vijff jairen elkx jaers tweehondert gelijcke ponden ende dat
zeste ende leste jair hondert der voirsz. ponden dair van dat eerste
jair vallen ende verschijnen sal meye vyffthienhondert ende twee,
ende alsoe van jaire te jaire ter tijdt toe dat die reste van den
voirsz. elff hondert pond betailt sal wesen, mit conditiën, dat die
voirsz. Jan van Barry dit voirsz. buys, lant ende erve de voirn.
Karel ende Pieter vrij overleveren sal tot Meydage nu naestcom-
mende sonder langer vertreck ende die voirsz. materyen ende stoffen
terstont over te leveren, mit voirwairden, dat die voirsz. Karel ende
Pieter cortinge wesen sal van den principale penningen als voeren
alle tguent dat duechdelijckx blijcken sal, dat zij betailt zullen heb
ben aengaende die renten ende sculden daer tselve huys, erve ende
lant meer mede belast soude wesen dan hiervoeren verclairt staet; te
weten elcken penninck van den renten mit achtien penningen als
voiren verclairt staet. Item des ist noch voirwaerde dat de voirsz.
procureur ende Pieter hebben zullen alle tguent dat totten selven
