LANGE VIJVERBERG 11 EN 12
131
renten ende lasten daeroppe staende met de eerste ge-
reetste penningen, die in onsen sterffhuijse sullen bevon
den wordden, sullen wordden affgelost, in gevalle sulcx
bij d'leven van ons nijet en is gedaen, opdat tvoirszegde
huijs te beter aen onsen kinderen verzekert mach zijn
ende blijven sonder dat de voirszegde kinderen off hare
kinderen off kintskinderen tselve huijs in ’t geheel off in
deel zullen moghen vercoopen, belasten off anderssins
in eenigerhande manieren bezwaren, zoo lange daer
sonen van ons off van onsen sonen in directa linea in
levenden lijve sullen zijn off blijven. Ende op denselven
voet sal Adam, onsen outsten sone, sijn leefdaghe hebben
ende behouden d’woninghe in ons achter huijs met de
groote achterkeuken ende toebehoirten sonder deselve
te moghen belasten off vercoopen, ende ons groot voir-
huijs sal voorseyte van onsen anderen zesse kinderen, die
gehouwt sal zijn bewoonen, op den last van zijn andere
broeders ende susters bij hen of heur te laten innewoonen
mits ter redelijcker wijs de cost betalende. Ende zoe wan
neer onse andere kinderen, daernae mede comen ten
houwelijcken state, tzij een of meer, zullen de voirsz.
woeninge vriendelijck ende in goede gonste ende liefde
onder malcanderen partagieren, inruymen ende dien
dander minnelijck accommoderen, onderhoudende ten
eeuwighen daghen onder hen, heuren kinderen ende
kintskinderen een goede vaste cristelijcke broederlijcke
ende susterlijcke vrientschap, die wij hen boven alle ’t
goet deser werelt vastelijck ende wel ernstelijck gebieden
ende recommanderen, enz.”
Na zijn tweede huwelijk maakt Jasper van Kinschot
op 11 December 1603 een nieuw testament, terwijl hij
,,sieckelick te bedde is liggende”.
,De partage, die ick gemaeckt hebbe tusschen
mijne eerste kinderen gehadt bij mijne lieve eerste huijs-
