BIJLAGE II
fol. XXXI
Algemeen Rijksarchief.
Archieven van de Kloosters en
andere Stichtingen in Delfland.
Het Zusterhuis Sint Maria in Galilea.
Inventaris no. 1.
Dit is van die vaert, van die ka ende sluse te maken ende
een poert of heek te maken daermen Comen Willems laen mede
besluyt mit verlof vanden hogen Hyemrade.
Die mater ende tgemeen convent der beslotenre susteren tot Sinte
Marien in Galyleen opte Spoye hebben die hoge welgeboren hyem-
raden van Delftlant te kennen gegeven, hoe dat after tvoerscreven
closter leyt een wech, die opt Zwytoesteynde blynt ende te niete
loept, genoemt Coman Willems laen, an welke laen die voerscreven
susteren an beyden syden zeer breet gelant sijn; ende omdat die
selve laen onbeheynt ende open leyt, so lopen daer op die verken
ende omwroeten ende verderven die selve laen; oeck mede die paer-
den vertreden ende breken die wallen, twelc hymluden coemt tot
groten schade ende afterdeel. Want sy luden veel van die selve
laen houden eride make moeten. Ende dat meer is, men brenct daer
op die selve laen dode beesten ende ander stinekende vuylnisse,
daer tvoerscreven convent op sommige winden groten stanek ende
onbequaemheit of hebben ende so langer so meer. Begerende daer
om zeer oetmoedelic anden hogen hyemrade voerscreven, hymluden
te willen gonnen ende te consentieren opte voerscreven laen een
heek of een poerte te mogen maken, gesloten mit een slot, behou-
delic dat sy luden eens voer al alle die geen, die an die voerscreven
laen gelant sijn ende daer wtwegen elex een slotel daer of geven
souden om daer mede wt ende in te gaen ende te varen by dage
ende by nacht, also hem luden dat belyeven. Oeck mede begeerde
die voerscreven mater ende convent, datse een waterganek mochten
maken ende delfven opt suyteynde vander Spoye omtrent tegen die
scuytmakers over, dwers doer hoer eygen erfve ende lant ende doer
die kade tot in die wateringe an Comen Willems laen ende aldaer
in die selve waterganek een sluysse te setten ende te maken also
vast ende starek, dat die ander ingelanden van nu tot genen dagen