TEGENOVER DE LEPROZEN
201
enich gebreck daer by hebben noch lyden en sullen. Want sy sullen
ende willen an die Suytsijde van die selve nyewe waterganck van
die oude kade of tot Comen Willems laen een kade maken ende
leggen op hoers selfs lant also hoech ende breet, dat doer die selve
kade nymmermeer water int voersch. lant comen noch lecken en sal;
des gelijcx sellen sy Comen Willems laen van die voorsc. nywe
waterganck noortwaert oeck so hoech ende starck maken, datter
geen water over lopen en sel. Oeckmede begeerden die mater ende
convent, dat| sy luden die waterganck, die leyt an die westsyde
van Comen Willems laen, opt noort eynde an die huysinge een
eynde mogen vollen ende toe dammen, daer sy hopen, dat nyement
by gehyndert noch veraftert en sullen wesen, aengesien datse opt
noort eynde blynt ende te niete loept; ende soude nyment by alt-
geen dat voersc. veraftert of beschadigt wesen; alst niet en is, sy
souden selve die gheen wesen, diet meeste gebreck daer by lyden
ende hebben souden. Ende.
Want die hoge welgeboren Hymrade voersc. al tgeene dat boven
gescreven ende verclaert staet duechtelic ende redelic dunct wesen,
so ist dat sy den selven convent voersc. geoorlooft ende consenteert
hebben, oorloffen ende consenteren mi desen alle alle (sic) die
voersc. punten ende elcx bysonder te mogen maken ende aftervol-
gen, ten waer of yement meende of dochte by der voersc. consen-
teringe gehindert of beschadicht te wesen ende hem daer jegens
opposeerde. So beteykent men den selven verwerers dach te comen
voer die hoge wel geboren hyemrade voersc. als manendach coemt
over achte dagen den eenentwintichsten dach van Aprille alhier
inden Hage om te seggen die reden van hoore oppositie ende die
gehoert die welgeboren hyemraden sullen alsdan wijsen dat recht is.
Actum den Villen dach van Aprille int jaer XIIIIC LXXXIII. Ende
also opten voersc. manendach nyement gecomen en is daer jegens
seggen, so ist dat die hoge welgeboren hyemraden den selven voersc.
convent noch geconsenteert hebben tgeen dat voersc. staet. Ghedaen
opten XXIen dach van Aprille anno voersc., daerby waren heer
Heynryck van Naeldwijck, Gheryt van Assendelf, meester Claes
van de Werve ende Otte van Egmonde, hyemraders.