TEGENOVER DE LEPROZEN
203
x) Zie Bijlage I, Personalia sub 87.
BIJLAGE Illb
Registers Hoogheemraadschap
Delfland.
Consent omme die kaede vanden Veenpolder innewaerts te
leggen ende doude deur steecken.
Alsoe Nicolaes van Persyn die Hooge Heemraden van Delflant
verthoont heeft, dat hij suppliant ende wylen Mr. Nicolaes Beucke-
laer seeckere jaeren geleden by consente vande selve Heemraden
die kaede vande Veenpolder, die loopt voorby heure thuynen, die
zy hebben leggen tegens die Leprosen vanden Hage over, zeeckere
roeden innewaerts geleyt ende d oude kaede deurgesteken ende met
haer lant ende thuynen gelyck gemaect hebben, zedert welcken tijt
hij suppliant voort aen zyn voorsz. thuyn noch een thuyn geappli-
ceert heeft, tegen de welcke hy oock de kaede van voorsz. polder
up te raye vande voorsz. nyeuwe kaede innewaerts geleyt heeft,
hoogher ende swaerder dan de kaede vande voorsz. polder tot
eenige plaetsen bevonden sal werden; Versouckende daeromme van
gelycke consent, omme d oude kade vande selve polder, daer be-
neffens leggende, deur te doen graven ende met sijnen thuyn gelyck
maecken; hadden hem geconsenteert een cedulle van oppositie,
die welcke by een geswooren boode vande selve Heemraden te
wercke geleyt zynde, nae zyne vorme ende inhoude, alhier inden
Haghe vant Raethuys ende inde kercke van Voorburch; zyn ten
geprefigeerden dage ende plaetse voorde selve Heemraden gecom-
pareert Vranck Gerrits zoon ende Cornelis Philips zoon, molen
meesters, Cornelis Janss. Muyser 1) ende Pieter Pieters zoon, bruy-
ckers inde voorsz. Veenpolder, hem dragende als opposanten; ende
hebben eyntelycken int versouck vande requirant geconsenteert,
behoudelick indien bevonden werde, dat die voorsz. nyeuwe kaede
deurlecte, dat die requirant tot keure vande selve Heemraden ge
houden souden wesen, deselve kaede te nutswegen up te delven
ende weder mit sant te vollen ende dicht te maecken, waerinne
nyeuwe kaede zoo hoech ende zwaer maicken sullen als d oude
kaede es. Gedaen inden Hage, den XlXden Novembris XVC acht
ende veertich. By Vranck van der Meer ende Mr. Cornelis de
Jonge, Hooge Heemraeden van Delflant, Mij tegenwoordich
W. v. Berendrecht.