TEGENOVER DE LEPROZEN
204
Adriaen Heyndricx zoon, geswooren boode vande selve Heemraden,
als gemachtigt vanden requirant consenteerde; ende alsoe anders
geen opposanten verschenen en sijn, soo hebben die voorsz. Heem
raden den voorsz. requirant geconsenteert ende consenteren by
desen syn versouck opte conditiën boven verhaelt, gedurende tot
kennelicke wederseggen vande voorsz. Heemraden. Gedaen inden
Hage ten huyse van Mr. Cornelis Suys, Heere van Rijswyck, den
Vden Decembris XVC LVIII. By Coebel, mij tegenwoordich
W. v. Berendregt.
BIJLAGE IV
R.A. Portefeuille Rekenkamer
No. 720a.
Accordt gemaeckt tusschen die luyden van de Rekeninge der
Graefflicheyt van Hollandt ende de Magistraten vanden Haghe
noopende het schieten vande vaert omme uyt het Spoeye mette
schutte int bosch te moghen varen om zandt te halen.
Alsoo het Bosch, wesende vant meeste ciraet vanden Haege, hoe
langs hoe meer vergaet ende te niete comt, soe deur het affhouwen
van de bomen gedurende de troublen, geschiet int fortificeren der
selver plaetse, als deur eenige moetwilligen, die dagelicx bij nachte
en ontijden daer in hacken, houwen ende scheuren, zulcx, ten waere
daer inne geremedieert met nieuwe plantagien, de plaisantheyt der
plaetse geschapen is geheelick te sullen vergaen; omme waerinne
te versien die vande Reeckeninge genegen soude sijn, omme in
plaetse vande affgehouwen bomen andere te planten, ende voorts
het bosch, zoe veel doenlick wesen sal, met alle middelen te brengen
in sijn oude stant ende fleur; doch gemerct de onvruchtbaerheyt der
aerden ende groote santhoochten hiervoor aen twesteynde vant
bosch leggen, men nyet vruchtbaerlick daerinne soude connen gedo...
sonder affcarringe ende verlatinge van voorsz. hoochte ende sant;
omme ’t welck te effectueren oorbaerlick gevonden was te maecken
een vaert, responderende vuyt de Spoije inde sloot, die langes de
susters weyde loopt1), die voorts geleyt soude werden deur de
susters laen met een heule achteromme het tuyntgen, dat aldaer bij
den secretaris Suylen jegenwoordich toegemaect wort2), streckende
De vaarsloot van het Klooster, later Ammunitiehaven en
Nieuwe Haven.
2) Fluweelen Burgwal.