HET LAVENDIERSTERLAND IN HAAGAMBACHT
48
BIJLAGE I.
Kaerlesaluyt van wegen ons beminder Heinrick
van Beauuoir ende Marieken Alaerts dochter zyn huys-
vrouwe is ons tegenwoirdelick verthoent geweest hoe
onse lieue heer en grootvader die Roomsche Keyser
ende wy by andere onse oepene brieuen in daten van
den xviijen dach in Julio a° xvc negen ende om die
redenen wille dair inne begrepen byzonder ouermits by
sekere appoinctemente daer te voeren gemaect tusschen
Anne Rouste ter eender ende die voorsz. Marieken Al-
laertsdochter ter ander zijden der seiner Marieken ge-
gonnen ende gegeuen hebben gehadt den dienst ende
officie van den lauendrie van den ornamente van onser
capelle gefondeert binnen onsen houe alhier in den Hage
metter woenstede daertoe behoirende om die te anvaer-
den ende daer af mitgaders van den rechten wedden
ende veruallen daer toe staende te useeren ende gebruy-
cken naer die doot ende afliuicheyt der voorsz. Anne
Rouste ende daerenteynden der voorn. Marieken leuen
lanck geduerende als by den voorsz. brieuen voorder
blijcken mach ons biddende de voorn, thoenderen hen
tot dese blijde incompst de voorsz. gifte te willen con-
firmeeren ende vestigen ende hen hierop verleenen onse
brieuen in behoirlicke vormen, soe eyst dat wij desen
angesien hebbende die voorscr. gunst ende ghifte voor
danckelick wy hebben de selue ghifft mitgaders al tin-
houden van onsen anderen brieuen bouen geroert ge-
confirmeert ende gevesticht confirmeeren ende vestigen
mits desen onsen brieue ende indient noot zy hebben
der voorsz. Marieken Allaertsdochter van nyeux ge-
gonnen ende gegeuen gonnen ende geuen mits desen
onsen voorsz. brieue de lauendrie ende woeninge voir-
screuen mit hueren toebehoeren om die te anveerden hou-
